ADVERTISEMENT

This area is available for advertisement. Please contact for details.

Arnivang
Get Adobe Flash player

Administrative, Law & Order, KAAC chelangpet Phanglangso (Umru-II) BOP kahumri dam

Ni 15 angbong BOP kikim patangpo: WKA DC

imageHAMREN, Phaikuni 19: West Karbi Anglong District Administrative, Law and Order lapen Karbi Anglong Autonomous Council (KAAC) chelangpet kedamtang Phaikuni niphai 16 arni Assam Meghalaya ahoi mate West Karbi Anglong District pen Meghalaya, Ribhoi District ahoi Phanglangso (Umru-II) along kikim kerangbom Border Outpost (BOP) along kahumri dam.
20No.Baithalangso LAC MLA Dr Mansing Rongpi, West Karbi Anglong District  Deputy Commissioner Devajyoti Hazarika, West Karbi Anglong Superintendent of Police Mrinal Talukdar, KAAC EM Prodeep Rongpi, EM Rupsing Teron lapen West Karbi District BJP ameiphu Arun Terang anparta ongdung rat asai klembangphu atumBOP kekim kerang bom adim along humri damsi haladak kedo raikom asaikhi lapen hadak arat atum aphanta chetongsi MLA Dr. Mansing Rongpi ning pathe tekang. BOP along kijun alang avarsai pen danglok ason- ason kenangji do-an tame KAAC pen avarsai kipiji aphan klem bom lo pusi EM Pradeep Rongpi rat angno lamthe jai. Ahoi along thirklong pen kedo pame longji aphan haladak kedo barim atum anta longle apata avelang lasi prapjin pen la kado kave atum aphanta longle a pata pisi Karbi Anglong alongle binong pu pathir longpo pusi KAAC Art & Culture, Fishery, Land and Revenue EM Rupsing Teron pherangke athengno ningje. Umru-II pu along kedamtang penang an achiklo aphrang ta BOP kim rang bomlo, setame pangthek thekthe Meghalaya asor atum phalangno tekang et titi. Non puthot kekimthu BOP ahem tangpo dokdok angdeng lo. Non BOP ahem komjir ingchin apai, angsong pen kelangchar aderang (Watch tower) ni-15  aphi lote kekim -kerang asai petangpo pusi Deputy Commissioner  Devajyoti Hazarika ningje.
Havar kacheraikomji lapen kethirthip ahoi along kedo arat aphan KAAC kechari CEM Tuliram Ronghang, EM Rupsing Teron, EM Pradip Rongpi anparta West Karbi Anglong District Administration, Law &Order atum kabor-i angthek kethek long pen Meghalaya pen West Karbi Anglong District ahoi along kedo arat atum aning chethesi tovar cholang. 

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives