ADVERTISEMENT

This area is available for advertisement. Please contact for details.

Arnivang
Get Adobe Flash player

Panchayat kilik: BJP Assam Pradesh adunthu bangphu amen kapangdak

GUWAHATI, Phaikuni 18: Assam Panchayat kilik ahut kachedan dunji aphan BJP asong ahin pen ketoi dun abangphu bangphi (candidate) atum amen pangdak det aphi atumi Phaikuni 17 arni puthot adunthu atum amen ta pangdak lo. Pini BJP state asaihem along pangrum pet bang 169 candidate atum amen pangdaklo. Laso angbong so arlo pen bang 87, Minority pen bang 54 anparta kaprek kaprek akhei pen pangrum petsi bang 169 candidate atum amen pangdak lo. Pini bangphu atum amen kapangdak along BJP state ameiphu Ranjit Kumar Das kapangdak ke, Assam along rong-rup kapachingthur lapen kecho kapanglim kapavirji aphan pini kapangdak Panchayat candidate atum pensi pajok unpo. BJP ahin pen so-arlo kangthur ponji aphan lapen ratchari avarsai along ansose ardi kipi lake pini kapangdak alongsi angthek klangdak lo.  Kevangji kilik ahut BJP atum hailapsi mesen lapen kangthimlim pen Panchayat ahin pen Assam pachingthur po. Assam arat atum akemang lapen amang kaheman kapaplengji aphan BJP kachepatirpi Assam ratpangri Chief Minister Sarbananda Sonowal arpu kache-en pen kado kave akhei aphanta panungne pin pen bangphu ingvsaisi jakong pinponlo pusi Ranjit Kumar Das pangdak.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives