ADVERTISEMENT

This area is available for advertisement. Please contact for details.

Arnivang
Get Adobe Flash player

India ratpangri atum hele arki, soluk sodak keklem atum aphansi ardi pichot:ASDC

imageDiphu, Phaikuni 18: India kachari aron along ketok dak article 244 (A) autonomous state aphuthak Karbi Anglong lapen Dima Hasao arat atum ingsamjin pen kachesong aphan ardi pipe seta Bodo atum soluk sodak pen chesong atum aphan India ratpangri atum ardi pisi penap Phaikuni 19 arni dilung kethom kachingvaiji aphan phalo. Penap Union Home Minister Rajnath Singh pensi bangso dilung kethom kachingkiji aphan kapatirpi pusi pherangke amai along ASDC ameiphu Holiram Terang jai. Lasi ajirding klui pen autonomous state aphuthak kachesong ASDC, KNCA, KSA atum aphan prapjin pen kachingki chingvaiji aphan nang hang nangji puta alangli pangdak.
India ratpangri atum hele arki, bomb kangbop arki kapadover atum aphansi ardi pichot, NDFB lapen kaprek kaprek atum pen BTC along kaike soluk sodak atemon kapajapver anparta kahurisai alam keklang ajoinesi nonhetjong kachesong seta alangli aphan India ratpangri atum ardi pilo. La-an chot kali pachun un-eh ahormu ta kapachun piji aphansi India ratpangri atum klem lo.
Bodo atum kachesong lapen Bodo atum kehang aphuthak thangnatta ning ke-oi alam ave seta India ratpangri atum ingvai soi-soi asai keklem aphuthak pinrem lo. Lapuson jongsi India ratpangri atum ingvai soi-soi lapen kaike amat Karbi Anglong lapen Dima Hasao arat akehang aphuthak pangkre bom pulote inglong a district hini arlo rat thurpak kemepme pin kachesong tame deng nangkok po pusi pherangke amai along ASDC ameiphu Holiram Terang pangdak.
Pinpurme, kedamtang 2013 aningkan Telengana atum aphan hemprek kipi ahutta Karbi Anglong lapen Dima Hasao arat atum aning kipung chepaklangsi longri arlo soluk sodak atemon japsi hem-rit meh kekai lapen ratpangri akhi adat ongdung phalangno lo. Lasi non tame lapuson jongsi ratpangri atum klembom pulote rat thurpak kachesong asai deng nangkok po pusi ASDC ajabang Jotson Bey pherangke amai jai.
Pherangke amai along KSA ameiphu Suren Hanse, KNCA ameiphu Merina Beypi, ASDC jabang Daniel Teron atum pen chenglok kaprek kaprek man kedo atum chetong dun.  
Jongsi rat thurpak kachesong ahut soluk sodak dokok lapen kopine kaheno dak dokok pulote India ratpangri atumsi adai che-en nangji puta pherangke amai along ASDC ameiphu Holiram Terang, chunbang Jotsing Bey atum pherangke amai pen India ratpangri atum aphan ther.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives