ADVERTISEMENT

This area is available for advertisement. Please contact for details.

Arnivang
Get Adobe Flash player

AGP pen BJP atum a-ot adur laso Panchayat kilik alongsi thek daklo:AIUDF

GUWAHATI, Phaikuni 18: Citizenship Amendment Bill khamkhe dun pusetame BJP pen kache-oh dunde det abangke AGP atum regional asong pu athaksi kachepaklangchot asonlo lapen amoi kanglum alingsi kidun a-ot adur ason mandet lo. Non kedoji Panchayat Kilik ahut AGP atum methangsi bangphu parjap dunji pusi hang sarlanglo setame Panchayat kilik arni pangdak det aphi penke puthot BJP asong alongsi charbak krup lo. Lasonsi pachetak aloh pen AIUDF ameiphu Baddrudin Ajmal pangdaksi alangli kapangdak thuke Panchayat kilik ahut AGP atum ami-aphu kiklim ajutang rimsi rat aphan kapaluji aphan bor-i lo. AGP atum Minority atalom malomke methangsi bangphu chetoi dunji pusi pulo setame laso alar kaprek-kaprek atalom alongke BJP atum pen kachekroi dolo. Minority atum ahutur BJP asong pen AGP angbong kapajirpo aratchari athe do puta Ajmal pachetaksi BJP ahut detpi angkang pen pen Assam alongta Minority arat aphan kapachorai, aduk kanghoi, Minority aphan D Voter amen pen kachenek anparta kachingthur asai keklem kekhang, kecharli, se kelang, kacheleng ahin pen danglok asitin ahinta ardi kipipe thek longlo. Laso ajoinesi AGP atum Minority arat aphan kesanji aphan Minority atalom along BJP pen pajirpope detsi methang jung jungsi bangphu pathur dun lo lake AGP atum Minority arat atum alongsi do pu kachepaklangji aphan chot. Halapu Citizenship Amendment Bill chedon dun angthek chipisi kaprek-kaprek atalom jasemet petke Upper Assam ahin AGP atum kona natne ke bangphu pathur dunde detlo lapen ongdung Constituency along kangduk vok a candidate parjap dunsi BJP asong kapahaiji aphan avarsai pilo. Setame Assam along kado kave arat atumta nonke chinilo. BJP pen AGP atum jonghele ratchari aron thama klem seta kevangji Panchayat kilik ahut hini asongta kerem lo. Khei kapavirji Citizenship Amendment Bill along kachedon dun BJP asong pen Citizenship Amendment Bill pen ale kacho-en AGP asong aphan kaparemji aphan Voter arat atum chisik bom lo. Kevangji Panchayat kilik kedoji lake Assam khei longri jutang-jubat keraikomji aphansi rat atum vote jok po. Non adihu Panchayat kilik lake Assamese akhei jutang-jutab kacheraikom aphan chot po. Lasi Assam along kedo-an khei mate Minority arat atum khei apharman AGP pen BJP aphan parem nangpo pusi Ajmal pachetak aloh pen choningri.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives