ADVERTISEMENT

This area is available for advertisement. Please contact for details.

Arnivang
Get Adobe Flash player

Sixth Schedule aphuthak chingki chethan amai kapangni

Diphu, Phaikuni 16: Kalkata, The Asiatic Society lapen Assam University Diphu Campus, History Department atum chelangpet patirpisi Debating 68 Years of Sixth Schedule: Autonomy of Tribes in Northeast India aphuthak Phaikuni 16 pen 17 apharman National Seminar kibi.
Laso a krungchingsai (seminer) along pini arnikangsam porphai 4 apor pen Sixth Schedule aphuthak kachingki chethan amai pangni.
AUDC Social Advisory Committee a member secretary Thekar Chapbang Longsing Teron kachari amai along ASDC ameiphu Holiram Terang, SSIC bidisar J.I. Kathar, KAAC deputy chairman barim Kangjang Terang, Hamphang asong 24 ajabang Angtong Ingti lapen kaprek kaprek sixth schedule aphuthak kethekser abangphu atum chetong dun.
Laso ahut Sixth schedule kopi ahormu lapen ko-an ajakong thema aphuthak chingki chethan, la-an chot kali ASDC ameiphu Holiram Terang pen ASDC atum council kachari ahut state ratpangri atum pen kedamtang 1995 aningkan MoU alamdon kachetok alam pen pangchengsi penang an sixth schedule aphuthak mai along jai.
Inglong aso atum aphan Sixth Schedule akenangsot lapen Sixth schedule kedo ajoinesi inglong aso atum isi keraikom longlo. Lasi laso sixth schedule kapachun serak nangji akenangsot lo, athe aron arkansi aron pen angtan aso atum nang kacherai dopik lo pu heihui alam SSIC bidisar J.I Kathar jai.
Lason thakthak kaprek kaprek kachetong dun atum penta Sixth Schedule akenangsot alam mai along paklang rinti.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives