ADVERTISEMENT

This area is available for advertisement. Please contact for details.

Arnivang
Get Adobe Flash player

CAB aphuthak hamphang 70 atum kachesong par-om plup

Bill le chun det pulote Assamese amonit ke khei kijum man det po: Akhil Gogoi

GUWAHATI, Phaikuni 16: Citizenship (Amendment) Bill, 2016 aphuthak pini kaprek kaprek ahamphang 70 chelangsi Assam secretariat kachekom ajaimek kedeng ajoine rongsopi arlo long thom police district along aron kapathik kapaso lapen raikom asaikhi abat pasunsi keton paso lo.
Bill aphuthak kekhamkhe atum Sankalpa Shikha Jatra kedeng keraikom dunji aphan Assam Police lapen CRPF asaikhi secretariat avaikang thon thip adui bithip lo.
Kekhamkhe asai along Krishak Mukti Sangram Samiti (KMSS) kejalin along Assam Jatiyatabadi Yuba Chhatra Parishad (AJYCP) pen danglok hamphang 70 sose kachesong asaimo along cheto dun.
KMSS jabang Akhil Gogoi anparta hamphang 70 asong atum pen-pen kekhamkhe amai secretariat pen kachetobokhet Dispur Press Club alongsi mai pangni lo. Sarbananda Sonowal-kejalin BJP Assam ratpangri pen khei kangthim aphan archak kipi dunji kalisi bill along chekroi dun rong pusi akoi van.
Labangso a bill chun lo pulote angthek, lam-eki, jutang-jubat lapen khei kangthim kachingri heihui vir lap po puta mai along akoi van.
Kekhamkhe along kidunji aphan Jonai, Diphu, Sadiya lapen Dhubri alongri pen pangchengsi motorcycle pachejengsi Guwahati an pangno lo. Seta ajahak adim ke khang et lo athema pini amai kangni along 1000 armu kachingrum aphan hukum tho lo bonta abat si do pusi police asaiphu pangdak.
Kekhamkhe along kacheto dunji aphan ajahak atum ke train pensi dunsi Guwahati rongsopi pale lo.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives