ADVERTISEMENT

This area is available for advertisement. Please contact for details.

Arnivang
Get Adobe Flash player

Assam arlo kedo inglong a district along Rok Rak Tour Concert kedeng

Diphu, Phaikuni 16: Assam arlo kedo inglong a district kethom Karbi Anglong, West Karbi Anglong lapen Dima Hasao along anong kachethang klong lunsepo Mongal Sing Singnar ( Rok Rak) Tour Concert asai kedeng.
Kedamtang Pre achiklo niphai 16 pen 17 panini Chokihola Koilamati along pen pangchengsi kevangji Matijong achiklo angbong an tour concert kedengji aphan alangli chisik lo.
Koilomati along lun damdet aphi Pre 19 arni Den Arong along tour concert deng damsi rat aphan lun parju dam lo. Laso aphi Rongmongve along Pre 23 arni lapen Pre 24 arni Balijuri along concert bi damsi lun parju dam lo.
Puthot Phaikuni 3 arni Dima Hasao district Umrongso Falcon festival alongta alangli Tour Concert bidunsi haladak arat atum aphan arju mesen alun parju tekang lo. Laso aphi sangse pinsi Phaikuni 4 arni Dokmoka along Rok Rak Tour concert bidam lo, lasi aphi Phaikuni 6 arni Khanduli Langhemphi along Cultural Exchange a asaimo alongta alangli chetong dunsi RokRok Tour concert bi dunsi ahoi arat aphan monsom pen kedo thekji aphan lun kesen abirta pi tekang lo.
Phaikuni 8 arni Kotharguri, Phaikuni 11 arni Diphu Rongthe Ang alongta RokRak Tour concert bi lo. Rok Rak mate Mongal Singnar sangse pin pardun ron inglong a district kethom along tour concert bi dam lo.
Kevangji arni lapuson district kethom angkang kaprek kaprek adim along kibiji aphanta alangli chisik bom lo. La-an chot kali kaprek kaprek ahavar along kedo arat atum Rok Rak alun karjuji aphan inghong prong ta dolang pusi birta long dun.
Alangli Karbi Anglong arlo lun lapen mirdong prakso ahin isi kachelar kevangji aphan pu akemang pensi RokRak tour concert asai deng lo.
Alangli laso concert pachun bom along Karbi Anglong Autonomous Council a CEM, EM MAC anparta Karbi Anglong arat atum kacheto dun kethekpik ajoksi pachun un bom lo pusi pherangke pen kachingki ahut RokRak chethan. Council kachari atum pen kacherap dun anparta rat kacheto dun apot Rok Rak pen kachoro pajir.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives