ADVERTISEMENT

This area is available for advertisement. Please contact for details.

Arnivang
Get Adobe Flash player

Ajit Dey aphan Nominated MAC kipiji along netum chedon dunde: KSYC

Diphu, Phaikuni 16: Karbi Anglong Autonomous Council along bang 4 atum aphan nominated MAC keponji aphan amen pathirsi Governor pen KAAC along an nang pale etlo pusi birta long dun. Bang 4 amen kapathirtang angbong pen Ajit Dey aphan Nominated MAC keponji pu along nelitum chedon dun thekthe pusi Karbi Students & Youth Council atum birta pachetak.
Constitution along kedo Sixth Schedule Paragraph 2 (1) ateng KAAC along bang 4 Nominated MAC ketoi dunji ajakong Governor along do, seta khei barim angbong KAAC along pharman bangphu kave det akhei Rengma Naga, Man, Garo, Kuki, Khasi-Pnar atum aphan keponpe det ajok khinde dun meme ason dokok lo.Karbi Anglong arlo kedo Karbi lapen kaprek kaprek inglong aso akhei atum angbong kethakji aphansi keklem ason naknak si thek long. Inglong ahavar along nonhetjong kevang atum aphan ardi kipi rong ke Sixth Schedule aphan karkan asonsi man lo puta KSYC ameiphu Prakash Terang lapen sankur chunbang Bipul Tisso atum jong.
Lasi KAAC along kipi dunji Nominated MAC a amen larthu nangji lapen Karbi Anglong Autonomous Council along pharman bangphu kave lang Rengma Naga, Man, Garo, Kuki, Khasi-Pnar atum angbong pen Nominate MAC pek nangji pusi KSYC atum pen Governor aphan choningri.
Laso aphuthak Karbi Anglong arlo kedo inglong aso do-an, loh charli asong do-an, hamphang asong do-an lapen inglong arat kedo-an atum ase angtong kachepathe dunji aphanta Karbi Students & Youth Council atum choningri pusi KSYC ameiphu Prakash Terang lapen sankur chunbang Bipul Tisso atum birta pachetak.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives