ADVERTISEMENT

This area is available for advertisement. Please contact for details.

Arnivang
Get Adobe Flash player

Rajasthan along arnisivet angbong bang hini BJP legislator Congress kachingbe

Jaipur, Phaikuni 15: Rajasthan along ruling party BJP MLA bang hini arnisivet angbong party pen kache-o dun. Nagaur along BJP MLA Habibur Rehman Thelang arni BJP che-osi Congress kacherap dun.
Dausa along Bharatiya Janata Party (BJP) MP Harish Chandra Meena New Delhi along Congress kidun arni amatsi Rehman ta ladak Jaipur along Pradesh Congress Committee asaihem damsi Congress chingbe dun.
Ajmer MP Raghu Sharma athengnosi Rehman Congress kachingbe dun. BJP party klembang atum party along achethe kevangseng ason kedokok ajoksi Congress along nangchingbe dun bom lo pusi Rehman aphan kedeng amai along Sharma lam jai.
Habibur Rehman ningkan 10 aphi puthot Congress along kachevangthu (ghar vapasi), alangphan party along ning aklong pen deng pame lo pusi ningje.
Ne Congress kidunke kopine kachechak kalite kachepathik lapu ave lapen party kapangtangji aphansi klemji pusi pherangke angno Rehman ningje.
Nepo ‘sarpanch’ kekhi bom 1959 aningkan penlo ne Congress pen kacherap kedo lapen 1962 aningkan ke alang assembly kilik ta hai dun lo. Ne puthot nehem kachevangthulong ke nening ingsampik lo pusi Rehman ningje.
Congress government kachari ahut Rehman ke Rajasthan cabinet along minister kikhi tang abangphu lo. 2008 aningkan alang ticket kelong dunde det ajok Congress che-osi BJP kachingbe dun.
Alang BJP a ticket pensi 2008 lapen 2013 aningkan kilik arjap dunlo lapen phong ni a kilik ta alang si hai lo.
Bhomkuru arni BJP candidate list along alangmen klang dunde det ajok state party president Madanlal Saini along party pen kache-o aloh pajir dam lo.
Rehman alar BJP pen Nagaur anghoi Mohan Ram Choudhary aphansi ticket kipi.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives