ADVERTISEMENT

This area is available for advertisement. Please contact for details.

Arnivang
Get Adobe Flash player

Arunachal Literature Festival along Ajit pen On atum aphan kepha

imageDiphu, Phaikuni 15: India angkangpi pen kephapet Arunachal Literateure Festival along Karbi Anglong alammetpo Ajit Singnar pen kithurmi ahirbang On Teron atum aphanta kepha pon lo.
Arunachal Pradesh arongsopi Itanagar along non kevangji Phaikuni 28 pen 30 arni an kapadoji lammet arong-aje along det angkang anongnam kachethang alammetpo- lammetpi aphan pha. Laso ateng Assam pen Dr. Reeta Choudhury, Delhi pen Mridula Garg, Goa pen Damudar Mauzo, Delhi pen Ravi Singh, Arunachal Pradesh pen Yeshe Dorji Thongchi, New Delhi pen Mark Tully, Bangaluru pen Shinie Anthony, Delhi pen Gillian Wright, Tripura pen Chandra Kt. Murasingh, Meghalaya Esther Syiem, Dr. D Kuolie, Manipur pen N. Kiran Kumar, Sikkim pen Guru T Ladakhi, Assam pen Neelim Kumar, Assam pen Jivan Narah anparta ongdung anongnam kachethang alammetpo-pi atum laso lammet arong aje along chetongji.
Lapuson nongnam kachethang klong lammetpo-pi atum kachetong amai along Karbi Anglong arlo mate Karbi atokbang atum aphan kepha ke Karbi akhei aphan isi ning arong meme lapen Karbi atumta cheparoka meme birta asonsi man lo.
Phaikuni 29 arni arnitali 2 pen 3 apor an kapadoji temoso kaporhi alongsi Assam Sahitya Sabha pen nong-e kelong duntang lammetpo Ajit Singnar aphan pha lo lapen puthot arni mate Phaikuni 30 arni kithurmi ahirbang On Teron aphan adap porphai 11:15 pen 12:15 apor an hirbang Robin Ngangom kachariji hirjir amei alongsi pha lo.
Nongnam kachethang alammetpo Yeshe Dorji Thongchi Karbi alammetpo atum aphan nang kanghon ajok Karbi Anglong arlo nongnam kachethang klong tokbang Joysing Tokbi aphan laso aphi kangniji Bengaluru asor Shinie Anthony kachariji Hirjir amai pha lo.
Lapuson anong kachethangklong Lammet arong aje along Karbi atokbang, hirbang atum methang kethek kachepaklang dun long ke Karbi Anglong arat apharman mate Karbi akhei apharmansi nongme kevang lo.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives