ADVERTISEMENT

This area is available for advertisement. Please contact for details.

Arnivang
Get Adobe Flash player

Diphu arongsopi along ta klimsomar arani alir-alon pen talon dun

DIPHU, Phaikuni 14: India adet areng kelok atum arideng pen jokdet aphi mate India adet methang kachari long ajakong kelong cheng ahut kechengsi Prime Minister Jawaharlal Nehru pini Phaikuni 14 arni ke alangli mahang kethek arnilo. Alangli osomar atum aphan kanghon-kajinso kethepik ajoksi pini arni asonke alangliphan aman-apeng kipi kethenai arni along pacheton dunsi aningkan vang ta Phaikuni niphai 14 arnke klimsomar arani mate Children’s Day alir-alon pen talon bomlo. Jasemet petke school lapen kaprek-kaprek osomar atum kedo aboha alongsi laso asaimo kedeng deng. Lasonsi pini  Diphu arongsopi St. Anthony English School pen danglok ongdung a school along talon dun. St. Anthony English School along adap porphai sirkep pen sai dengsi charli osomar, thanbang atum pen danglok kacheto dun apo-api atum arnam ardomsi alir-alon pen katalon pangcheng. Laso ahut school principal Dr. Lipson Rongpi kechengsi India prime minister Jawaharlal Nehru akai alamo aphuthak thihek pen than pajirmi lapen kevangji arni labangso a school kacharli ahin kangthur ponji aphan ason-ason alam pachini. Thanbang kehoi Domenic pen danglok hadak kedo-an thanbangphu-bangphi atum ason-ason kilun-kekan paklangsi khei dhorom angbong ning isivet pen donangji pu angthek ta paklang. Laso katalon along pacheton dunsi pining aningkan ningkang esek pen ephong ason-ason kapathu ajaimek kedeng ahut kachepate dun kehai osomasr atum aphan nong-eh pajir.
Halapu Diphu arongsopi kaprek-kaprek a school alongta klimsomar atum kekan-kilun pensi alir-alon pen Children’s Day talon dun pusi birta long.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives