ADVERTISEMENT

This area is available for advertisement. Please contact for details.

Arnivang
Get Adobe Flash player

Panchayat kilik along madu asong penta AIUDF chepajirpope: Ajmal

GUWAHATI, Phaikuni 11: Kevangji Panchayat kilik ahut AIUDF madu ratchari asong penta pajirpope pusi AIUDF ameiphu Baddruddin Ajmal pangdak. Pachetak aloh pen Ajmal kapangdak ke, Panchayat kilik ahut pajirpope pin pensi AIUDF chedan dunpo. Song ahin pen bangphu kapathur dunde Panchayat heihui along abangke songve pen kachedan dunji atum alongsi cherap cheto dunpo. Kilik ahut Assam along ason-ason akisung aphuthak ratpangri atum kapachunche thekthe rek lapen Citizenship Amendment Bill anparta NRC aphuthak AIUDF ahin pen paklangji puta AIUDF ameiphu Ajmal pachetaksi kedamtang ningkan hini ra achitim BJP atum keklem kedam lapen Citizenship Amendment Bill nangjima mate Assam Accord si kenangjima aphuthak ta Panchayat kilik ahut abangphu phi tin BJP candidate atum aphan rat parjuji. Halapu Congress asong aphanta AIUDF ameiphu Baddrudin Ajmal arboksi alangli kapachetak thuke kedamtang ningkan 15 Congress chari ahut rural development amen pen angsom angsom kecho panglim aphuthak ta rat aphan pachiniji. Pachetak aloh along non adihu Panchayat kilik along AIUDF pen bangphu kaparjap dunji adim heihui ke Hailakandi, kachar, Karimganj, Nagaon, Hojai, Darang, Sunitpur, Biswanath, Lakhimpur, Kamrup (R), Barpeta, Gowalpara, Nalbari, Bongaigaon, Dhubri, Mankachar South Salmara lapen Marigaon heihui adim along pathur dunpo    

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives