ADVERTISEMENT

This area is available for advertisement. Please contact for details.

Arnivang
Get Adobe Flash player

MLA Dr. Numal Momin aphan apran karmutji pusi kether

imageDiphu, Phaikuni 9: Bokajan MLA Dr. Numal Momin aphan komatne pangthekthe abangphu apran karmutji pusi kether pusi birta long dun.
Birta kelong dun atengke todap adap prang porphai 4:45 apor phone no. 1127692 pen phone losi chingki lo. Laso ahut State BJP Spoke Person Bokajan MLA Dr. Numal Momin aphan ther lo. Laso pen malomso aphi puthot Phone no. 4410526 pen phone call thu lo pusi MLA Dr. Numal Momin chethan.
Lapuson phone pen kether alam chelong det aphi MLA Dr. Numal Momin amethang amat Dispur Police Station along damsi lamhoi pidam lo. La-an chot kali DGP Crime branch aphanta pachini lo puta MLA Dr. Numal Momin chethan.
USA pensi phone kelo pusi MLA Dr. Numal Momin aphan kether atum chethan puta MLA Dr. Numal Momin than.
BJP along keklem dun apotsi kether puta Dr. Numal Momin pherangke pen kachingki ahut chethan. Lahai kether thap alam pen ke neli pherere lapen ahok pet aphansi neli keklem anparta ahokpet aphansi kevangji arni anta klemji puta alangli ningje.
MLA Dr. Numal Momin pen lamhoi kipi ateng police atum kiri katarlip asai klem bom lo puta birta rip dun long.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives