ADVERTISEMENT

This area is available for advertisement. Please contact for details.

Arnivang
Get Adobe Flash player

Kilik aprang prang KAAC adim KAATC pusi lar nangji: KATSSA

DIPHU, Phaikuni 9: Kedamtang 2011 aningkan Phaikuni 25 arni United People Democratic Solidary (UPDS), Central ratpangri lapen State ratpangri angbong alamdon kachetok MoS ateng kachingthur scheme asai amo kedeng along ning ingsamse pusi Karbi Anglong Territorial Social Security Association (KATSSA) asong jabang atum pherangke amai along nung kangsamse alam chepaklang. KATSSA ameiphu Semson Ingti, sankur chunbang Rangsina Teron lapen klembang Rohon Hanse atum pherangke amai along kejai ke, UPDS atum sorkar pen accord kachetok lake Karbi Anglong arat apharman ason ason kapachingthurji aphan pura sika 3.50 crore atangka Karbi Anglong Autonomous Territorial Council (KAATC) amen pen nangpale lo. Seta pu KAAC kachari atum ninghang alingsi klem tap klempru lo. Sonsi, bangso asai keklemji aphan rat athengno tender ke call ta ave lapen contractor amen ta klangklesi asai heihui abang ketangte lapen kechoklim pen kali pusi KATSSA akoi. Kevangji apor ahut kilik aprang-aprang mate 2019 aningkan Arkoi 26 arni KAAC adim KAATC aron pu kelarji aphan rat angno pangdak nangpo lapen KAATC sixth schedule aron atengsi klem nangpo puta alanglitum choningri. BJP ratpangri atum MoS along kachejok dunde detji aphansi choningri. Pinpurme, BJP atum Art.244 (A) alamchak abangke jasemet ot thipji aphansi choningri lo. Athe kedamtang kilik apor ahut ta lamchak kipi do. Lasi, sorkar pen dukdet arat aphan kapachingthurji amen pen special package sika 3.50 atangka pa-ik det aphita kachingthur asai kele avepin lang puta alanglitum ningkamsamse chepaklang.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives