ADVERTISEMENT

This area is available for advertisement. Please contact for details.

Arnivang
Get Adobe Flash player

Tash kapathu adim along Diphu Police atum kakuruk, bang 16 kachingnang

Diphu, Phaikuni 8: Kedamtang Phaikuni trok aningve Karbi Anglong arongsopi angkang kaprek kaprek tash kapathu adim along Diphu police atum kuruk damsi kado kave bang 16 tash kapathu atum aphan nep ingnang lo.
Police atum pen Chingthur Club lapen Dillaji Auto Riskshaw Showroom heihui Tash kapathuver pu abirta longsi men-men tarlip dam lo. Laso ahut kado kave bang 16 atum aphan nep ingnang long pusi birta rip dun lo.
Kenep kangnang chek bang 16 atum angbong pen bang 14 atum aphan atumi arnikangsam malom case pabonsi Jail pon det lo lapen bang hini atum aphan non amat Diphu Police station alongsi bikok lang puta birta long.
Karbi Anglong arongsopi Diphu ahithi arlo Tash kapathu chot kali, seta lason thakthak kaprek kaprek aronre keklem ta do-oh lang puta ajahak kacheroktok abangphu atum pen than.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives