ADVERTISEMENT

This area is available for advertisement. Please contact for details.

Arnivang
Get Adobe Flash player

KASA aklam kapathu: Ticket ajoine chedong-charkan

DIPHU, Phaikuni 8: Alir-alon kipi pen KASA pathu aklam asatlang kelangji aphan pura pini Phaikuni 8 arni Assam angbong nong kachethangklong football aterank Karbi Anglong Morning Star FC pen Bangladesh angbong football kapathu amo denglo. Laso amo kedeng along penang an arat atum kacheto kelang dunji aphan chisik lo setame laso angbong achitim arat ke chisik nak asonlo. Athe pini Bangladesh Asaduzzaman football aterank pen Morning Star angbongsi jirpo-po football kapathuji (Friendly Match) pu ajoinesi rat atum kelang dunji aphan aning hanglo setame isi kopai kelangno abangke kangni anghoi aphante amonit aphai ke-ong munak ajok chedong-charkan mandetlo. KASA pen kangni anghoi ateng ticket selamsi kedamtang Phaikuni niphai troksi arni pen kejor pangchenglo. VIP sika suri isi lapen gallery alongke sika pharo isi ador pensi ticket jorlo. Ticket kejor kechengsi arni pen amatsi rat atum ticket ke-en dun cheto-chet lo lapen ticket ta ik-rang anlo. Pini abangke anghoi ateng pen ticket ta ki-ik det ajok kelong dunde arat atum ning kangsamse chepaklang. Adap apor pen kangchir kelang-ik kachoton dun atumta dolo. Suri-suri amuluk aphan ticket kapachetang thekthe det ajoine kachepatiri KASA penta kamatha sungkrung anlo. Ladak madu aphanta koino daklo athe halapu anghoi atengsi KASA atumta ticket selam nangkoklo lapen kelang dunji aning kehang arat atumta kopai keme atumke lang dun longlo lapen kelang dun longle atumta dokok lo. Ning oi meme setame avarsai amatsi ave detlo.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives