ADVERTISEMENT

This area is available for advertisement. Please contact for details.

Arnivang
Get Adobe Flash player

East Bhelapara LP School pathu aklam along ingdeng 23 Wangala Festival kichun

imageAssam alongri arlo 7 lakh Garo akhei do, methang apindeng aphan Ruptalin asengkan katalon ahut chingrum pet nangji: Dr Momin

HAMREN, Phaikuni 8: Karbi Anglong A’chik Cultural Society (KAACS) patirpisi aningkan vang ason thak thaksi piningkan lethot ta Garo jutang-jubat Vangala Festival, East Bhalapara L.P School pathu aklam along alir-alon pen katalon pachun. Kedamtang Phaikuni niphai 5 arni pen kecheng Vangala Festival Phaikuni niphai 7 arni Garo ajutang apindeng-sumpot ason-son lun-kan kachepate pensi pajut lo. Kijutsi arni lun kan pen-pen rat amaipi pangni. KAACS ameiphu Niharhon Sangma kachepahemphu amai along chunbang Omega Momin mai kepha alamthe jai. Alohi sarpo aman pen Bokajan (ST) LA Constituency MLA Dr. Numal Momin chetong dunsi alangli kejai ke, Assam alongri arlo Garo akhei amuluk 7 lakh do setame birta chala kachepi avarsai keklem kamatha abang kengkam kachejor kanglen ajoksi ko an ma kachingrum nangji ateng pen la an chethek longle det nak nak lo. Kevangji 2020 aningkan KAACS pen katalonji ruptalin asengkan (Silver Jubilee) ahut Assam alongri arlo Dibrugarh pen Goalpara district along an kedo Garo akhei pachingrum nangji. Laso kapachingrumji aphan kedo-an kedam-kevang avarsai neli inut pen tangka maha kerap pidunji pusi lamchak chipi. Assam ratpangri pen Garo Autonomous Council aphan chingki-chethan bom lo. Garo alam aki kapandangji aphanta BTD along language teacher aphan appointment pi pon lo. Guwahati along Garo Cultural Bhawan, hostel heihui kim po anparta Bithung Rengthama along ajak dingklui pen kehang bom longle patta aphuthak Assam ratpangri pen ardi pisi KAAC pen kachechak ateng un anke kipi kapaprapji aphan klem po pusi ningje. Rat amaipi along Karbi Anglong pen danglok kaprek-kaprek alongri Garo akhei kethek-kere lapen hamphang asong jabang atum chetong dun.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives