ADVERTISEMENT

This area is available for advertisement. Please contact for details.

Arnivang
Get Adobe Flash player

ULFA ataipo Paresh Baruah arong chevoi etlo pusi lam kangdang

Paresh Baruah mephun me-et pensi dolang: Romel Asom

GUWAHATI, Phaikuni 7: ULFA C-In-C mate song along abarimnai asongja Paresh Baruah arong chevoi tanglo pusi chethang dut lo. India Investigation atum kapachini atengke kedamtang erui aprang China pen Myanmar ahoi Ruili pu adim along kachingkoi ahut ULFA jabang Paresh Baruah penang an ahir ingtangrak areng solo lapen laso areng keso ahir kangtang ajoinesi apran dam juilo pusi ningje. Laso alam Look East pu isi online channel alongsi India Investigation  atumsi Paresh Baruah arong kachevoi alam paklang lo. Look East channel kapachini atengke inut amen kachepaklang haihe Investigation asaiphu kapachini atengke Paresh Baruah kachingkoi alam klardak do setame halaso kachingkoi pen alangli apran kedam alam abang kapatiniji aphan non anta kaprek-kaprek ahin pen report asatlang langbomlo.
Halapu Assam police pen Assam Rifle atum Paresh Baruah kachingkoi pen kithi alam thangnat ningje jelang. ULFA jabang Paresh Baruah aphan India arideng nanghodai nangji pusi China adet aratoangri aphan India ratpangri atum choningrilo setame China ahin pen Paresh Baruah ladak ave pusi pubomlo.
Vice chairman cum chief of staff major Paresh Asom arong chevoi et lo pu kapachethang alam lake ahokhe lapen kapachethang thap chot. Nelitum jabang Asom non anta a-ok apran mephun  me-et pensi dolang pusi ULFA (I) pachethang klembang Romel Asom paklar. Kevangji arni lapuson ahokhe alam kapachethang thap te detji aphanta birta pachetak aloh pen choningri.

Leave a Reply

Your email address will not be published. Required fields are marked *

BREAKING NEWS
November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives