ADVERTISEMENT

This area is available for advertisement. Please contact for details.

Arnivang
Get Adobe Flash player

NITI AYOG special package atangka sai keklem ahokhe aphuthak ning ingsamse: KSA-DDC

Diphu, Phaikuni 7: Tiri ratpangri NITI AYOG one time special package atangka sika crore 94.11 Karbi Anglong Autonomous Council aphan kipi apot Karbi Students Association pen tiri ratpangri aphan kachoro pajir lo. Lason ahut Karbi Anglong Autonomous Council laso atangka padam pameme det aphuthak ningkangsamse chepaklang. Pinpurme, kedamtang 2015-16 dihin aningkansi laso atangka nang pale lo. Laso ateng pensi kado kave asai keklem ta pangcheng lo bonta ningduk meme alam ke sai tangte aprangsi sai tang etlo pu a utilization certificate (UC) pidet. Lason pulote maduta contractor man un jongsi KAAC atum aning hang pulote.
Bohi-kolom ateng pulote laso asai kedamtang 2017 aningkan There 27 arni anke phant 100 tang thai lo pusi PWD Building Division a EE Ajit Singnar pen Additional Chief Engineer Bipul Chandra Bakshi atum paklangsi UC pale lo. Seta ladak asai keklem ke tangte pin lang, lasi lang dam pulote ladak kachopanglim mate kechokche dovek puke klang dak lo. Angthek ke ketang tang adim ahem ajahak adim along ke inghang-et thek long. Lasi lason kechokche asai keklem a contractor Cheranjiv Agarwal lapen saiphu atum aphan sodak ingsai nangji pusi Karbi Students Association atum pen Karbi Anglong Autonomous Council a CEM Tuliram Ronghang aphan pachini. Contractor Cheranjiv Agarwal aphan prapjin pen black list selam nangji lapen saikam asaiphu atum NITI AYOG GRF-19 A karkan apot sodak ingsai nangji puta pini Diphu Roof-top along pherangke amai kapangni ahut KSA-DDC ameiphu Jonasing Bey jai.
Pherangke amai along kaprek-kaprek KSA klembang atumta chetong dunsi ardi pi dun.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives