Mahatma Gandhi mahang kethek ningkan 150 kepleng cycle vekji

Diphu, Phaikuni 7: Mahatma Gandhi mahang kethek ningkan 150 kepleng amen cycle kevek atum penap Phaikuni 8 arni Dimapur pen Diphu nang paleji pusi pini Deputy Commissioner asaihem conference hall amai kangni along ADC J. Sonowal pangdak.
Latum aphan penap Karbi Anglong district administration atum pen ingthum-arneji, la-an chot kali ladak Karbi Anglong kedo a cycle kevek atumta alanglitum along chelangsi Diphu angkang Mahatma Gandhi mahang kethek ningkan 150 kepleng amen pen cycle kevek atum pen ason-ason paklangji puta ADC J. Sonowal pachini.
Cycle kevek atum aphan kangthum-karne amai Diphu along malomso aphan pangniji, laso aphi ladak cycle kevek atum bang 25 angtan pen kevang cycle kevek atum aphan Parakhuwa an thon dunji puta ADC Junmoni Sonowal mai along pangdak.
Mai along cycle kevek atum aphan kecho-kijun pen chenglok kaprek-kaprek kenangsot ahormu kithik kethai piji aphuthakta mai along penang chingki-chethan.