ADVERTISEMENT

This area is available for advertisement. Please contact for details.

Arnivang
Get Adobe Flash player

Karbi Anglong Morning Star FC ingdeng 10 mahang kethek arni talonji

Diphu, Phaikuni 7: Karbi Anglong Morning Star Football Club penap Phaikuni 8 arni ingdeng 10 mahang kethek talon po. Ingdeng 8 mahang kethek katalon amai along alohi aman pen India football team a captain barim Bhaichung Bhutia alohi aman pen chetong dunji.
Pinpurme, kedamtang 2008 aningkang Mizi Kro lapen arisangho George Rongpi, Mukul Kathar, Damien Hanse, Angela Ingtipi lapen Biswajit Rongpi atum chelangsi Karbi Anglong Morning Star FC amahang pathek lo.
Karbi Anglong angkang atok-ano football kapathu ahin kapachingthurji aphan pu akemang pensi Karbi Anglong Morning Star FC amahang pathek lo. Karbi Anglong penta I-League along kapathu dunji aphan chisik lo.
Karbi Anglong Morning Star FC seng det pen 2010 aningkan Assam Club Championship, 2010 aningkan AASU Invitational Cup, 2012 aningkan NEEPCO Gold la-an chot kali 2015 aningkan Assam State Premier League a champion ta Karbi Anglong Morning Star FC atum cheman lo.
Karbi Anglong atok-ano football kapathu kapachingthurji aphan pusi Karbi Anglong Morning Star FC Karbi Anglong angkang kado kave 23 football academy centres ingpu lo. Lasonsi Diphu, Amlokhi, Dillai, Hidipi, Hanjanglangso, Hamren, Tokolangso, Deithor, Dolamara, Khotkhoti, Bokulia, Phuloni, Dokmoka, Dengaon, Tumpreng, Dongkamukam, Jengkha, Baithalangso, Tarabasa, Dentaghat, Ok-kereng, Borgaon lapen Jaipong ingpu lo.
Kedamtang ningkan 10 angbong Karbi Anglong Morning Star FC atum aphan Karbi Anglong arat atum nang kacheto dun apot choro lo pusi KAMS FC atum birta nang pale. Rat atum nang cheto dunde asonte netum aprang akengkam chejor un-eh detji apot lo. Ratchari kacheprek, dhorom kacheprek, jutang-khei kacheprek alam avepin pen kado kave atum ta netum along nang kachelang dunji aphan chopha lo.
Karbi Anglong Morning Star FC aphan isi ahokpet football club kapinchongji aphan netum along KASA sankur chunbang barim Dhansing Rongpi, Assam Football Association a sankur chunbang Ankur Dutta, ACS asaiphu Pradip Timung lapen Karbi Anglong Anglong Autonomous Council a CEM Tuliram Ronghang ta netum along kecheng ahut penta nang arjup dun lo pusi Karbi Anglong Morning Star FC ameiphu Sengkan Ronghang, Working President Ritesh Inghi lapen chunbang Bikram Teron atum pen birta pachetak.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives