ADVERTISEMENT

This area is available for advertisement. Please contact for details.

Arnivang
Get Adobe Flash player

PM barim Kt. Atul Bihari Vajpayee pen speaker barim Kt. Somnath Chatterjee atum aphan chikimo

KAAC Session kangni

imageDiphu, Phaikuni 5: Pini Karbi Anglong Autonomous Council  kechengsi 2018 Winter session kangni.
Session along India prime minister barim Kt. Atul Bihari Vajpayee pen lok sabha Speaker barim Somnath Chatterjee atum aphan chikimo.
Session along kachetong KAAC EM, MAC atum pen India prime minister barim Atul Bihari Vajpayee pen speaker barim Kt. Somnath Chatterjee atum kereng tik ahut keklem-kedam alam aphuthak paklang rinti.
Lason ahut KAAC Town & Country Planning a EM Roton Teron pen MAC Prabhat Chandra Taro atum penta penang an PM barim Kt. Atual Bihari Vajpayee akai alamo aphuthak session along than.
Medical EM Khonsing Rongpi pen PHE EM Prodip Rongpi atumta kachikimo alamthe kejai along cheto dunsi alanglitum pen Kt. Atul Bihari Vajpayee pen speaker barim Somnath Chatterjee atum aphuthak jai dun.
Laso aphi Karbi Anglong Autonomous Council a CEM Tuliram Ronghang ta Kt. Atul Bihari Vajpayee pen Kt. Somnath Chatterjee atum akarjong chom rongme kele dun thekji aphan hirjume hangpi dun. La-an chot kali thihek pen alanglita PM barim Atul Bihari Vajpayee akai alamo than. AB Vajpayee PM kikhi ahut hen lo pirthe adang along isi kethenai mate ongdung ratchari asong chelang pen ratpangri kachari puta CEM Tuliram Ronghang than.
CEM Tuliram Ronghang jai det aphi KAAC chairman Longki Timung kado kave kachikimo along kacherai alamthe session along porhi parjusi session pajut lo.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives