ADVERTISEMENT

This area is available for advertisement. Please contact for details.

Arnivang
Get Adobe Flash player

Langhemphi along Cultural Exchange-cum-Border Development Meet aphan sikdang thailo

HAMREN, Phaikuni 5: Karbi Anglong Autonomous Council (KAAC) pen West Karbi Anglong district administrative chelangpet Meghalaya ahoi kedai Langhemphi along kevangji Phaikuni niphai 6 arni Cultural Exchange cum Border Development Meet aphuthak amai kedoji aphan kachisik tanglo. Bangso asaimo alir-alon pen kapachun thekji aphan penang an arni pen KAAC EM Rupsing Teron aphong-aphong adim aklong an humri damsi  langchari damlo lapen keklem nangji ason do-an setame klemlo. West Karbi Anglong district Deputy Commissioner Devajyoti Hazarika ta laso ajaimek mesen pen kapachun thekji aphan keklemsip angthek chepaklang.
Tirikam a convenor Augustin Hanse kisik-kedang asai do-an patanglo pu pherangke athengno ningjesi laso asaimo kedeng along Karbi Anglong kaprek-kaprek adim pen rat atum cheto dunra ahoi aphuthak kachini pame longji aphan choningri. Meghalaya ahoi akisung aphuthak KAAC chinisi ladak arat atum aphan panong pen lapuson thedung asaimo kedeng apot KAAC CEM Tuliram Ronghang, EM Rupsing Teron lapen MAC Rina Terangpi atum aphan chorlolo puta Hanse asangho pachini.
Saikam kedo-an asaikhi atum setame bangso asaimo along chetong dunthai nangji pusi DC Devajyoti Hazarika pachini.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives