ADVERTISEMENT

This area is available for advertisement. Please contact for details.

Arnivang
Get Adobe Flash player

Tinsukia along honthe meme bang hini klempar aphan thengbop

Tinsukia, Phaikuni 4: Cachar alongri arlo honthe meme National Socialist Council of Nagaland (Khaplang) klempar asong klembang bang hini atum rat thengbop. Latum bang hini arideng hile bong trok long. Bongni ke AK-56 rifles pusi police than.
Assam pen Manipur ahoi kedai Joypur police station angkang anerlo 11:15 apor malom latum rong asor aphan tovar kachorju ahut hile kethek dunlong ajok rong asor chepengsi chekom dun amat tengkheng dun Cachar, Superintendent of Police Rakesh Roushan than.
Latum arideng AK56 rifles bong ni, Insas rifles bong ni, Chinese light machine gun ebong, Chinese hand grenade ipum, 12-bore a hile ebong alpen penang-an hile amu long long.
Police kele dun anke bang hini ta areng keso ahir tanrak lo. Latum aphan Silchar Medical College and Hospital ponlo seta kithi tang lo pusi doctor pangdak. Apran kedamjui bang hini abangphu atum aphan kapangthek asai klem bom lang seta NSCN(K) klempar asong klembang atum meme pusi SP Roushan than.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives