ADVERTISEMENT

This area is available for advertisement. Please contact for details.

Arnivang
Get Adobe Flash player

CAB ingthan nangji pusi Assam along kethek-kere atum kehang

GUWAHATI, Phaikuni 4: Pini Cotton College Marchan conference hall along song 60 khei hamphang asong atum Citizenship Amendment Bill 2016 kangthan nangji aphuthak mai ingni. Adap porphai kep pen kecheng rat amai along Assam along kethek-kere abangphu atum Dr. Hiren Gohain, Dinesh Baishya, Lakhinath Tamuli, Dr.Dinesh Boisho, Dr. Apurba Baruah, Nekibur Jaman pen danglok ongdung kethek-kere atum chetong dun. Rat amai along Dr. Hiren Gohain kejaike, laso a amendment bill jongsi Parliament along dengdet pulote Assamese akhei ke coffin along kijutsi a gojal kesak po. Tiri ratpangri atum kaita amethang ale aphan Assam aphan ber bomlo pu akoi pisi non kacharibom aratpangri atum state along law & order ahin kaphalangnoji aphansi keklem pusi ningje. Dr. Hiren Gohain kejai thuke, tiri atum labangso a state mate ladak arat aphan kapachingthurji aphan ardi pipe lapen non kacharibom aratpangri along kevangji arni Assam aphan kaphere meme pen chetong nangkok tahai. Lasi ajat abidi pen pusetame kachesong abangke ington nangne pusi ningje. State arlo kedo Assamese kali atum laso amendment bill aphuthak ase angtong kachipi dunde det abangke manghum meme puta Dr. Gohain ningje.
Arleng kesar kethek-kere abangphu Lakhinath Tamuli kejai ke khei kapavir laso amendment bill ingthanthe tik ke ratchari amai along kacheto dunde detji aphansi Assam arat aphan choningrilo lapen ratpangri ajaimek heihui penta chepaheloji aphansi choningri lo. Bengali atum Assamse ahotur kali puta Lakhinath Tamuli ningjesi All Assam Students Union (AASU) atum boche barim apharman karjap thip un-eh det ajok kopi aphansi khal nayak amen ir-e detlo? Anparta kedamtang Pre 23 arni kangkir kepha ahut AASU atum kopi aphansi chedon dunde detlo puta alangli arju. Laso aphuthak jongsi AASU atumta ahok-ahak kamatha do pulote kedo dunjoi athe kopilo pusi Tamuli arju. AASU kechokche det ajoinesi kedojoi ongmu naklo puta Tamuli arboksi BJP atum methang adet amonit aphan apran endet pen pusetame Parliament along laso amendment bill dengpo lapen kevangji MP kilik ahut jongsi Modi puthot anghoi chingni thulong pulote India Constitution aphan kengpak arum bikoksi akimi Constitution selampo pusi mai along Tamuli jai. Lason thak thaksi rat amai along Dr. Dinesh Baishya kaningje ke, laso a Bill India Constitution dharam kerai aronvek abang pachehelo vekpo. Bangladesh along madu Hindu aphan kachenek ave pu ningjesi tiri atum Hindu Bangladeshi kevanji aphansi bidi kanglim keklem lo. Laso amendmen bill amen pen non ratchari klem ilo. Non ratpangri along kedo dun AGP atumta kacheparjan chot, jongsi alanglitum ahok-ahak pen amendment bill aphuthak khamkhe pulote pajirpo along kachekak dun kenangsot. Lason thak thaksi kachetong dun kethek-kere atum Dr. Udayaditya Bharali, Nekibur Jaman, KMSS jabang Akhil Gogoi atum laso Citizenship Amendment Bill aphuthak khamkhesi kevangji arni aron ateng pen kachesong kedeng ponbomji aphan ningjesi BJP ratpangri aphan arbok.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives