ADVERTISEMENT

This area is available for advertisement. Please contact for details.

Arnivang
Get Adobe Flash player

BJP kachari KAAC inglong aso aphan kelang selet asonsi theklong: ASDC

Diphu, Phaikuni 3: Non hetjong BJP kachari Karbi Anglong Autonomous Council pen Diphu Town Committee puthot kaselam thu along inglong aso jasemet pet Karbi atum aphan kelang selet pensi kaselam asonsi thek long pusi ASDC Diphu Town Area ameiphu Bidorsing Kro pangdak.
KAAC kaselamthu Diphu Town Committee ke-ongdung a ward along inglong aso atum aning oi meme asaisi keklem. BJP atum lapuson keklem ke vote bank cheselam pen kilik kachepahai verji aphan puta ASDC Town Area atum jong.
BJP atum Town Committee kilik remdetji pu kachephere ajoine aphong-aphong kilik aphi pon lo seta sai jokje democracy aphan apran armudetsi kilik kapadoji aphan hok lo. Lason kilik kapadode det pen ke rat aphan democratic ajakong kithi asonsi man lo.
Lason ahut kedamtang Pre 27 arni Diphu Ward No. 10 arlo ASDC Diphu Town Committee seng lo. Laso amai kachariji aphan pusi Kangbura Ronghang aphan meiphu, Deori Ingti aphan dun meiphu, Rajen Phangcho aphan chunbang, Raju Ingti pen Khonsing Tokbi atum aphan pacherap chunbang, Longki Teron aphan saihem chunbang, Rostom Terang aphan pachethang chunbang, Ronjoy Kro pen Sonjoy Bey atum aphan dihin chunbang, Sunil Ingti pen Dorsing Teron, Dhorom Kro atum aphan sikdang chunbang lapen Mohori Dera pen Belison Phangcho atum aphan bidisar pek lo.
Ward Committee keseng amai along ASDC Diphu District Committee dun meiphu Ramsing Tokbi, ASDC Diphu Town Area chunbang Mandal Taro, ASDC Youth Front Robin Teron, KSA tiri klembang Sarkiri Rongphar  lapen kaprek-kaprek man kedo atum chetong dun.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives