ADVERTISEMENT

This area is available for advertisement. Please contact for details.

Arnivang
Get Adobe Flash player

Arta kangduk a-osopi aphan kacholangremji kabor-i abangphu kachingnang

imageBAKALIA, Phaikuni 4: Khatkhati police station kaparlo Lahorijan along inut arta kangduk a sopi aphan kacholangremji aphan kabor-i abangphu kachingnang. Birta kelong dun atengke kedamtang Pre achiklo niphai 31 arni aban Lahorijan Bhomkuru ahithi (Sunday market) adung along inut arta ningkan 62 Chandra Kumar Pradhan pu inut mek langno abangphu arnikangsam porphai kethom apor malom amethang asu aphan kapajui ponji aphan pura lamdok-lamthu pen bai ponlo. Laso aphi adunghet kedo sah abiri arlo pondetsi kacholang remji aphan bor-i lo, setame a osopi abang kaphere pen ajok kehang kasarlang ahut halapu kachelengbom ajahak abangphu atum arju dun long loksi dim an pale dunlo lapen a-osopi aphan pajok dunlo. Halapu kacholangremji aphan kabor-i Chandra Kumar Pradhan abang avarsai keme cho-ensi dim pen katjui lo. Laso alamki dodet aphi a-osopi apo abang Khatkhati police station along lamhoi pidam detlo. IPC 376/511 U/S 132/18 case No. pabonsi police atum katarlip asai dengphitlo. Kiri katarlip asai kedeng bom ahut Bokajan pen Khatkhati police asaiphi atum kejalin police abitung atum kekat kachepatu bom Chandra Kumar Pradhan aphan pini Nagaland alongri Kohima arongsopi alongsi nep long lo. Adai kedovek Chandra Kumar Pradhan alangli kedamtang ni pli penlo Kohima Orchid Hotel alongsi chepatu bom pusi birta long. Laso alamki aphuthak facebook pen kapachethang akoi pen inut Madhav Roy pu abangphu aphanta police atum nep ingnang cheklo.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives