ADVERTISEMENT

This area is available for advertisement. Please contact for details.

Arnivang
Get Adobe Flash player

Meghalaya kedoi Umrokoti BOP along Prodip Rongpi kahumri dam

imageChinthong, Phaikuni 3: West Karbi Anglong district pen Meghalaya ahoi along kedo Chinthong constituency arlo kikim bom Umrukoti BOP along Karbi Anglong Autonomous Council a EM mate Chinthong MAC Prodip Rongpi kahumri dam.
Pinpurme, Meghalaya pen kachehoilok West Karbi Anglong district arlo kedamtang penang an aningkan pen aphong-aphong Meghalaya atum lamki nang pado lo. Laso lamki kedo pen kacheraikom thekji aphan pu akemang pen Karbi Anglong Autonomous Council a CEM Tuliram Ronghang lapen 20 Baithalangso LAC a MLA Dr. Mansing Rongpi anparta Chinthong MAC EM Prodip Rongpi atum kabor-i ajoing non malom ahoi kedai Umrukoti along BOP pakim lo.
Ulukuni out post arlo Umrukoti along kikim bom BOP along atumi Phaikuni EM Prodip Rongpi humri dam. Laso ahut alangli haladak kedo police lapen BOP ahem kikim bom a mistry atum pen chetong tekangsi kisung-keboi alam en pen kikim kapatang serakji aphan pachini tekang. La-an chot kali haldak kedo atum aphan aning pathe tekang.
Karbi Anglong alongle ahoi kacherai thip thekji aphan pu akemang pensi EM Prodip Rongpi lahai asai ardi pilo. La-an chot kali kevangji arni ahoi arat atum kisung pen kejokji aphan pusi keton-kelang ahin kapangchingji aphanta alangli bor-i lo.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives