ADVERTISEMENT

This area is available for advertisement. Please contact for details.

Arnivang
Get Adobe Flash player

Inut athanbang a school che-oh bupsi apiso a school a Gunatsav along kacheto dun

VOTHATLANGSO, Phaikuni 3: State angkangpi adunthu (2nd phase) Gunatsav asaimo kedeng along pacheton dunsi West Karbi Anglong atalom alongta dengbom lo. Laso atengsi Amri Primary Block kaparlo Borkok Hanse arong a LP school alongta Gunatsav talon dun lo. Laso a school along thanbang kehoi ke MLA Joyram Ingleng angjirpi Basapi Inglengpi lo, setame Basapi Inglengpi a school along Gunatsav kedo ajok alangli chor Monsing Kro thanbang kehoi Tamulbari Tarchen Primary School along chedodesi a piso a school along cheto dun lo. Laso ahut men-men pherangke abitung kahumri dam ahut bang hini ta thirik tet lo. Ingdeng pho kacharlibom osomar atum rapid reader anta thekthe. Alanglitum penanso ta kedamtang penang an arni pen osomar atum aphan ko-ansi loh kethan kapaprangma mate kapangkre ma ladak amatsi angthek klangdak lo. Laso a school along observer ateng pen kachetong dun MLA Dr. Mansing Rongpi pherangke athengno kaningje ke laso a school along non ateng pulote kevangji arni matric angdeng inut ta un dunde. Halapu hadak arat atum akoi kevan atengke bang hini penanso ta thanbang kehoi cheparokasi kacharli amen pen nongno kevan det kali ratpangri pen nangkelo mid day meal asang ta chopanglim etlo, lasi bang hini thanbang kehoi aphan aron ateng pen ingsai nangji pusi alanglitum hang.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives