ADVERTISEMENT

This area is available for advertisement. Please contact for details.

Arnivang
Get Adobe Flash player

Disama no. 2 arat kacheleng atovar akisung Phaikuni achiklo pen pajok po: Tingkreng Rongpi

imageDiphu, Phaikuni 3: Lumbajong Constituency angkang Disama no.2 anat kedam kevang akisung aphuthak rong amekar do-an kachesong along hamphang asong cheto dunsi kedamtang Pre 29 arni kachesong asai deng lo. Laso ahavar arat aphan CEM Tuliram Ronghang ardi pisi mesen cheleng atovar kipiji aphan Phaikuni hini arni rat sai klembang Tingkreng Rongpi aphan pinkhat si adim pale lo.
Manja (National Highway 36) pen kachetok dam Hidim Teron arong, Sikari Hanse, Hidim Timung lapen kaprek kaprek arong kedamtang India adet independence longle aprang keseng arong ahavar aphan CEM Tuliram Ronghang pen mathasi tovar kapaselamji aphan lamtoi pilo. Hidim Timung pathu aklam along tovar kapangdak amai along ratsai klembang Tingkreng Rongpi kejai ke, kedamtang Pre 29 arni Manja along laso arong ahavar amekar kachesong along hamphang asong kekhamkhe ahut ‘No Road No Vote’ pu kehang sarlang angtong angsong anta lesi tongsekot pen sai deng lo. Hidim Teron pen Rong Ali an km 11 kahelo mesen atovar non Phaikuni achiklo angbong sai keklem pangcheng po pusi chechak. Ni pho angbong sai keklem nang pangcheng nangji pu kehang along Tingkreng Rongpi lam kevoi dun ke, ni pho anke un-eh athema sai amo keklem ason do-oh lasi penang arni lemdetji. Seta ajat pen noi laso achiklo pangcheng po pusi alangli chechak tekang. Lasonsi dolong kibi nangji adim alongta kapadenji aphan sai deng po.
Tovar kapangdak amai along BJP EKADC sankur chunbang Ajit Dey, VDC chairman Lawrence Ronghang, BJP Lumbajong Block Mondal ameiphu Rajesh Hanse, Town Mondal klembang Ram Krishna Guha, Lumbajong Block Mohila Mondal ameiphi pen danglok Lumbajong ST (Morcha) ameiphu Bidya Phangcho lapen rong asar atum chetong dun.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives