ADVERTISEMENT

This area is available for advertisement. Please contact for details.

Arnivang
Get Adobe Flash player

Dilaijan LP School ahem asarnung kave: Madu ta rap abang ave

imageDiphu, Phaikuni 3: Kedamtang Pre achiklo niphai 7 arni temon kethe ahut Dilaijan L.P School asarnung  jap pon-et lo. Laso abirta kelong pen BPEO pen SDPO atum along humri dam lo. Halaso atemon kethe ahut school ahem asarnung temon kepon et ajoine charli osomar atum school ahongkup alongsi loh kacharli ahut chetebin lo. Laso ajoine charli osomar pen thanbang atum aphan thedung katora dolo.
BPEO, SDPO atum humri dam pen prapjin pen school ahem asarnung selam po pusi charli osomar lapen thanbang atum ning chepathe lo, seta ningduk meme alam ke nonputa school ahem ahongkup along chetebin nang bom lang. Laso school along field officer pen Borjan Mondal atum ta humri dam lo, seta humri chot asonsi man athe non chiklo ejon kepleng po ahut anta thangnat asai kedeng thek longle lang pusi school along ajakong kedo atum than.
Sarnung kave det ajoine non school ningkan esek asatlang ketokpo apor ahut charli osomar lapen thanbang atum aphan katora thedung lo puta chethan. Lasi prapjin pen laso school ahem asarnung kikim-kerangji aphan havar kedo arat anparta school along ajakong kedo atum choningri.
Pinpur thume, kedamtang 1956 aningkansi bangso school parjap lo. Laso aphi ningkan 62 an pleng det aphita laso school along kachingthur kethek long jumhek puta havar atum than.
Kedamtang 2017 aningkan Borjan Constituency a MAC Longki Timung pen chenglok kaprek-kaprek man kedo abangphu atumta nanghumri lo seta thangnat akerap ta nonpu-anta longle lang puta school thanbang akehoi pherangke atum aphan than.
La-an akeban a school lo puvoiphit seta kachingthur thek thekthe det ajoine non apor anke charli osomar atum jumhek lo puta alangli than.

Leave a Reply

Your email address will not be published. Required fields are marked *

November 2018
M T W T F S S
« Oct   Dec »
 1234
567891011
12131415161718
19202122232425
2627282930  
Archives