ADVERTISEMENT

This area is available for advertisement. Please contact for details.

Arnivang
Get Adobe Flash player

Tinsukia Dhola alamki aphuthak ratchari atum pen danglok ongdung hamphang asong atum kapinrem

GUWAHATI, Phaikuni 2: Kedamtang Phaikuni niphai kechengsi arni ajo porphai 7:30 apor malom Tinsukia district Dhala Kherbari along bang pho Bengali akhei aphan pangthek thekthe risim kangtang ke-ot atum apran armut tekang detlo. Laso aphuthak pini Assam angkang hur chodutsi kangkir kepha asai pen danglok tovar karangkha lapen kachesong asai denglo. Laso alamki aphuthak Bengali akhei hamphang asong atum pen danglok Assam Sahitya Sabha, Koch Rajbongshi National Convention (KRNC) SFI, CPI(M) pen danglok ongdung hamphang asong atum ningduksi laso alamki aphuthak sodak pinremsi apran karmut tekangvek adai kedo abangphu atum aphan prapjin pen nep ingnang nangji pusi kehang. Anparta kisung kephovek ahem asor aphan ratpangri pen kerap pajir nangji pusi kehang. Hamphang asong jabang atum kaningje atengke adai kave atum aphan apran karmut pen ajat asaita chunche lapen pangthek thekthe klempar atum aphan lapen Citizenship Amendment Bill alam pen soluk-sodak atemon kapajap meme alam kaningje halahai ratchari jabang lapen song-hamphang asong jabang atum aphan nep ingnangsi ratpangri pen sodak ingsai nangji pusi kehang. Halapu SFI atum kapachetak atengke state arlo soluk-sodak atemon kejapji meme angring dokok aphita ratpangri pen keraikomji aphan sai dengde detlo pusi akoi pi. Kedamtang ni thom-pli aprang ajahak abangphu atum ame kithurji meme alam ningje det aphita state ratpangri atum thangnat asai kedengde det ajoksi pini lapuson ningduk meme alamki nangdo nanglo puta akoi vansi BJP aratpangri pen klempar pavir klunglo pu ningje bomlo setame Dhala along alamki pen amatsi state arlo ratpangri pen ko-ansi keton-kelang kapangtang ma ladaksi angthek klangdaklo pusi pachetak. Lapuson jakong langno atum angbong kachejok longle detji aphan anutin ta cheroktok pensi do nangpo lapen monsam pathir nangpo pusi alanglitum pangdak.
Halapu Ratchari asong AIUDF penta laso alamki aphuthak sodak pinremsi adai kedovek atum aphan nep nangji lapen sodak ingsai nangji pusi kehang. Laso alamki kedo nangkok ke BJP aratpangri kechokche ajoine pusi AIUDF akoi pisi laso along komatsi kacherap doma pangthek nangji lapen soluk-sodak kedoji meme alam kaningje atum lapuson alam kaningje pen chepahelo nangji pusi choningri.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives