ADVERTISEMENT

This area is available for advertisement. Please contact for details.

Arnivang
Get Adobe Flash player

Mizoram assembly kilik apharman BJP candidate amen kapangdak

New Delhi, Phaikuni 2: Phaikuni 28 arni Mizoram assembly kilik along kachedan dunji aphan pini Bharatiya Janata Party (BJP) pen bang 24 candidate amen kapangdak.
Pini amen kapangdak along kaprek longri hini Madhya Pradesh lapen Telangana apharman ta kilik karjap dunji abangphu-bangphi amen pandak lo. Theman arni BJP chief Amit Shah BJP Central Election Committee ingnilinsi kilik karjap dunji atum amen ingvai. Laso amai along prime minister Narendra Modi lapen kaprek BJP asong jabang atum chetong dun.
Mai along kangvai ateng Madhya Pradesh along bang 177,  Telangana along bang 28 lapen Mizoram along bang 24 a candidate amen pini pangdak lo.
Amit Shah, Mizoram kahumri dam ahut kapangdak atengke Mizoram assembly kilik inghoi 40 ta bangphu parjap dunji pusi pu. Seta non amatke bang 24 amen ansi pangdak chot lang.
North East Democratic Alliance (NEDA) along kedo dun National People’s Party (NPP) lapen Mizo National Front (MNF) kilik aprangke cherapre pu ajok assembly kilik along BJP det kacharjapji aphansi chisik lo.
Congress party ke kedam aruisi bang 40 candidate amen pangdak lo. Phaikuni 28 arni vote jokpo lapen angthek ke Matijong 11 arnisi pangdak ji.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives