ADVERTISEMENT

This area is available for advertisement. Please contact for details.

Arnivang
Get Adobe Flash player

District Administrative asaikhi atum ni thom sai keklem kesang

imageDiphu, Phaikuni 2: All Assam District Administration Employee Association atum chiklo abainong pen chenglok ason-ason kehang kachepalongji aphan pusi atumi Phaikuni 1 arni pen 3 an Strike (pen down) do lo. Laso ajoine Karbi Anglong District Administration asaihem atumi pen tala inghap kling thek long. Lason ahut district administration kaparlo ajahak asaikam inpusi sai klem lo, seta ongdung ke inghap lo.
All Assam District Administration Employee Association atum bainong kapabat nangji alam pen chenglok kado kave son 14 demand charter ratpangri aphan pilo. Laso kehang aphuthak atumi Phaikuni 1 arni Guwahati along song pen ratpangri ajakong kedo atum angbong kachingvaiji aphan mai ingni lo seta mai along kachetonte ason dolang. Laso ajoine Phaikuni 1 pen kecheng strike (non-co-operation) ingtontesi penap Phaikuni 3 arni anta dopo.
Atumi kachingvai chekroikre seta non kevangji Phaikuni 10 arni angbong kado kave kehang ason do-an kapaplengji aphan song pen ajakong kedo atum aphan apor pilo. Jongsi apor kipi ateng kehang ason do-an kapaplengji aphan ketok pen nangpipe pulote kevangji Phaikuni 12 pen 16 an puthot kachesong asai deng thusi ‘Pen Down’ do thuji pusi chingkrin lo.
Isi a district along kethenai asaihem district administrative asaihem kanghap kling ajoine penang an sankur arat atum katora chechak nang lo.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives