ADVERTISEMENT

This area is available for advertisement. Please contact for details.

Arnivang
Get Adobe Flash player

Assam angkang soluk-sodak apor ahut cheroktok kedo thekji aphan Citizen Meet kapangni

imageDiphu, Phaikuni 2: Tinsukia district Dhola along pangthek thekthe hile ke-ot atum bang 5 a Bengali aphan apran karmut det ajok Assam arlo soluk-sodak kedoji angring kethek long ateng Karbi Anglong a district along lapuson soluk-sodak atemon ave nangji pu Karbi Anglong Deputy Commissioner Mridul Kr. Mahanta Diphu Circuit House along Citizen Meet amai phalo.
Mai along Karbi Anglong arlo kedo hamphang asong asongja atum pen chenglok arleng kesar atum anparta ratchari asongja ajabang atum chetong dun. Mai along hamphang asong ajabang atum pen Assam Tinsukia akepho aphuthak pinrem rinti. La-an chot kali Karbi Anglong arlo monsam pen kedo-kethakji aphan choningri.
Lason ahut law & order atum penta cheroktoksi sankur arat aphan raikom pi nangji, la-an chot kali ajahak ajabang atum pen ratpangri atum kapangkre ajoine lapuson asai langno kedo long puta jong.
Mai along hamphang asong ajabang atum kaningje mate bidi-sore en det aphi Deputy Commissioner Mridul Kr. Mahanta kachoro pajir. Lason ahut kado kave chelang pet pen keklem-kedamji anparta kisung pen kachepajokji aphan cherap-cheto nangpo puta DC jai.
Law & order lapen district administrative atum pen ke lapuson asai langno keman longle detji aphan klempo, seta laso along rat atumta nang cherap nang cheto nangji puta DC Mridul Kr. Mahanta jaisi mai ingsamjin pen pachekak lo.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives