ADVERTISEMENT

This area is available for advertisement. Please contact for details.

Arnivang
Get Adobe Flash player

Raju Tisso amethang constituency angkang Arlong Voti along kachehumri dam

imageDiphu, Phaihoni 1: KAAC a CEM Tuliram Ronghang kapinkhat ateng Karkanthi constituency a MAC lapen EM Raju Tisso methang constituency arlo Arlong Voti polling station along atumi Pre 31 arni chehumri dam.
KAAC CEM Tuliram Ronghang non malom Karbi Anglong atok-ano kapachingthurji pu kabor-i bom along pacheton dunsi atumi EM Raju Tisso amethang constituency angkang kachephuri asai deng lo. Laso ahut kaprek-kaprek kachingthur asai kedengji aphan pusi Arlong Voti polling station along anta humri dam lo.
Langlokso pen Km 35 sose kahelo Arlong Voti an palesi haladak non amat kopisi akenangsot nai ma aphuthak langchari dam lo. Laso kahumri dam ahut BJP Arlong Voti polling station ameiphu mai chepahemphusi rat amai ingni. Mai along rat atum aning kehang lapen kar-i alam EM Raju Tisso arju lo. Laso ahut havar kedo arat atum pen kaprek-kaprek akenangsot alam chethan dun. La-an chot kali ason-ason akisung kepho alam heihui ta EM athengno ningri lo.
Rat atum pen tovar kave alam pen chenglok, kijun alang kasiksak, school ahem kadure anparta rihing ameh kachethor alam lapen seh kachelang avarsai kave alam heihui rat pen EM athengno chethan dun.
Solar kelongji aphan rat atum aphong-aphong inut bang hini atum along tangka heihui ta chirung dun lo seta pini arni anta longle puta rat atum chethan.
Irrigation asaikam pen langtengsi rat aphan longchor alang avarsai kipiji alam pen chenglok loh kacharli avarsai LP pen UP kapangniji aphan bor-i po pusi EM Raju Tisso chechak tekang.
Lasonsi tovar kaheno theklongsi PMGSY saideng (scheme) kapadeng ponji aphan klem po puta EM chechak tekang. Arlong Voti P.S kahumri dam ahut Samelangso Block Mondal Committee ameiphu Chondrosing Ingti, Langlokso Gram Kendra pen Sarsing Hanse atum cheto dun. La-an chot kali Kangbura Tokbi, Phongbirik P.S ameiphu lapen kaprek-kaprek man-peng kedo atum Arlong Voti P.S along kangni mai along chetong dun pusi Bibison Bey birta nang pale.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives