ADVERTISEMENT

This area is available for advertisement. Please contact for details.

Arnivang
Get Adobe Flash player

Langfer along sika 45 crore atangka a saideng keklemji aphan minister Sum Ronghang long-eh kesom

imageBAKALIA, Pre 31: Langfer MAC Constituency kaparlo kaprek-kaprek adim along pini sika 45 crore atangka a saideng (scheme) pen kachingthur asai keklemji aphan Asam HAD minister Sum Ronghang long-eh som. Pini porphai kre isi apor Bakalia Irrigation colony adung Signature project pen kedeng sika 10 crore atangka pen kaselamji Pavilion pen gallery kacheraplok isi stadium kaselamji aphan long-eh som. Laso aphi Pradhan Mantri Gram Sarak Yojana (PMGSY) pen sika 19.38 crore atangka pen kaselamji Kongjuk athoi pen Ram Terang arong kedongput Langchitung an km 22 atovar kaselamji aphanta HAD minister Sum Ronghang long-eh som. Lasonsi Bahani Adarsha pen Tikoklangso adak box culvert ingpu. Anparta sika 15 crore SOPD atangka pen kapanong Bakalia pen Richohidi km 13 ajak poka atovar kaselamji aphan long-eh som. Long-eh kesom asai tangdet aphi Bakalia ahithi along rat amaipi ingni. MAC Ramsing Timung kachepahemphu amai along HAD minister Sum Ronghang Langfer constituency arlo kedeng ason-ason kachingthur a saideng aphuthak klardak pen rat aphan pachini. Laso ahut MAC Ramsing Timung kejai ke, ratpangri pen laso constituency arlo kapaklang chot aphandet kali ahokpet kachingthur asai keklemji aphan akemang pensi long-eh som lo. Kedamtang arni long-eh kesom kedo-an a saideng asai keklem patanglo puta MAC Timung asangho ningjesi kevangji 2019 aningkan angbong Langfer constituency kaparlo rong-rup arlo akrongtin atovar ta poka selam etpo pusi ningje. Halapu Bakalia Town Committee avaikang pangrum pet 1500 ahemtun atum Pradhan Mantri Awaz Yojana pen sika 2 lakh atangka akerap longji puta mai along jai. Pini long-eh kesom asai kedeng ahut BJP Karbi Anglong District Committee ameiphu lapen KAAC EM Raton Teron, MAC Lunsing Teron lapen PWD asaikam asaiphu atum chetong dun.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives