ADVERTISEMENT

This area is available for advertisement. Please contact for details.

Arnivang
Get Adobe Flash player

CAB 2016 aphuthak kaningje tapte detji aphan kedo-an asong aphan MLA Momin kachoningri

imageGUWAHATI, Pre 31: Citizenship Amendment Bill 2016 aphuthak thangbakbe alam kapachethang tapte detji aphan kedo-an song-hamphang asong aphan BJP Assam Pradesh bidisar lapen Bokajan MLA Dr. Numal Momin choningri. Pini BJP state asaihem along pherangke amai kangni ahut MLA Momin kaningje ke laso Amendment Bill ateng pen India along aronre angtan amonit kevang kanghap asai ahinsi damlo. Laso Amendment Bill ateng pen 2018 Matijong achiklo 31 arni aphi Hindu noi mate Musalman noi inut ta India along kedoji ajakong avelo. Kedamtang Congress chari ahut aronre angtan asor aphan dim kepek aratchari ke avelo puta MLA Momin ningjesi kaprek-kaprek song lapen hamphang asong atum Assam arat aphan avive atovar japon bomlo lapen Assam along kachingthur asai keklem-kedam along kapatikuk dunji aphansi lahai kapachethang tap asai klemlo pusi ningje. Pherangke amai along Krishak Mukti jabang aphan MLA Momin panosi kaningje ke jongsi hai pulote alangli kapathekvek asong pen Panchayat kilik chepahai ra alangli kachethang klong angthek chepaklang non lapen Krishak jabang ateng pen angthek chepaklangji aphan Bokajan sok ahidi along rat thekprong chepaklang non pusi ningje. MLA Momin kaningje thuke BJP asong Sabka Sath-Sabka Vikash aron ateng pen aman kedo chief minister Sarbananda Sonowal alangli Barak-Brahmaputra lapen inglong thoi along kachingthur asai keklem kapaprap lapen phusar-phisar akai ahut pen Satra alongle kithi asai along pajoksi ahokpet Assamese anokbe angthek chipilo. Halahai Satra along kedamtang Congress chari ahut honthe meme Bangladeshi Muslim atum cherai pi-etlo lapen kangthir-et adim along Masjid selamsi Assamese aning pahonduk lo. Setame isi ke jongmeme alam abangke Assam along ajahak asong atum alanglitum alongsi abe dun pen Maobadi ason chesongji pu ratpangri aphan kether dodo pusi pherangke amai along Momin ningje.

Leave a Reply

Your email address will not be published. Required fields are marked *

November 2018
M T W T F S S
« Oct    
 1234
567891011
12131415161718
19202122232425
2627282930  
Archives