ADVERTISEMENT

This area is available for advertisement. Please contact for details.

Arnivang
Get Adobe Flash player

Ningkan thong-kep sose thengpi kithu adolong, pini rong pharo sose arat kisung

imageDiphu, Pre 30: Singhason Constituency angkang Manja ahithi pen chekoinot ICDP angkang pen Men Rongphar arong adak Jamuna alangroi kekrongput athengpi adolong kahengno-et ajoine sonsuri akisung pensi kachechak nang lo puke akimi alam kalilo pusi hadak rat asai klembang Rajesh Hanse pen Bidya Teron atum pherangke angno than.
Alanglitum kethan atengke bangso adolong piningkan pen arta ningkan thong-kep sose lo. Bangso adolong athengpi kithu-et ajoine kacheleng arat atum jasemet school a osomar atum school kidun-kevang ahut lapen rat atum hithi-borva kedam ahut dolong kekapji pura angsong pen keklo, kachingkoi ta do-oh lo. Anparta keso ki-un-e hospital along kachepon ahut henlo jasemet akisung kethenai lo athe auto, tempo keponji ke aphi alamlo, bike anta kekapji aphan phere meme puta alanglitum than rinti. Pinpurme, Jamuna alangroi parai Karbi, Kuki, Garo lapen Adivasi arong arat anta bangso adolong kap pensi Manja ahithi lapen kaprek-kaprek adim le pale damji pusetame dam unji. Non ningkan isi, hini penlote adolongta kerui lo, athe barla apor ahut lang kethe ajakong ketan ajoine dolong ari alongle kangrai lapen bun heihui kachingthang pring ajoine kaphere meme do puta alanglitum ningje.
Lasi, BJP ratpangri pen non apor ahut Karbi Anglong angkang dolong, tovar heihui kikim, kaselamji asai kedeng along KAAC CEM Tuliram Ronghang keja Team Karbi Anglong atum kaprek-kaprek adim long-e kesom asonsi ladak ta RCC adolong kaselamji aphansi choningri lo. Anparta Singhason MAC mate EM Amorsing Tisso alangli ardi pi pen CEM Tuliram Ronghang pen chingvai lin po lapen sai dengpo pusi ningthe lo puta alanglitum jai. Pinpurme, Congress kachari ningkan ingkoi sose lo, seta bangso adolong aphan kachoningri ateng repairing asai anta klemkle detlo, seta vote kerek apor ahut ke bangso adolong pensi teroi rinti lapen adolong heno-et lo puta theklong lo puta alanglitum than rinti. Lasi prapjin pen BJP ratpangri pen bangso thengpi kithu kedon roi adolong kaselam pamiji aphansi CEM Tuliram Ronghang lapen EM Amorsing Tisso atum aphansi tovar cholang ding lo puta alanglitum Rajesh Hanse pen Bidya Teron atum choningri.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives