ADVERTISEMENT

This area is available for advertisement. Please contact for details.

Arnivang
Get Adobe Flash player

‘Ne hithi, ne arpu’ pu athepi ensi KSA sai keklem

imageDiphu, Pre 30: KSA Diphu District Committee atum ‘ne hithi, ne arpu’ pu athepi ensi Pre 29 arni Diphu-Manja atovar along akevak heihui along longle thoksi kapaklam.
Pinpurme, tovar kevak ajok aphong aphong tovar along gari kachingkoi ahoni do lo. Non ningkreng apor riso-okarjang atum kijui kelang aphaita nangbat po, laso ahut tovar kacheleng mesenji lapen kijui ningkangsamjinji aphan pusi KSA atum pen tovar kapaklam asai klem lo.
La-an chot kali Diphu-Manja adak gari kachingkoi ahoni kapajumji aphan pu akemang pen pensi pini KSA Diphu District atum tovar kapaklam asai klem lo.
KSA Diphu District Committee atum pen tovar kapaklam asai keklem along KSA tiri lamjai sarpo Sarkiri Rongphar, KSA DDC ameiphu Jonasing Bey, chunbang Samson Phangcho, dihin chunbang Podmo Teron, rap chunbang Rupon Teron, Harlongbi Kramsa lapen DGCSUS sankur chunbang Jivon Terang atum pen chenglok ongdung KSA klembangphu-phi atum chetong dunsi tovar kapaklam asai klem lo pusi KSA DDC meiphu Jonasing Bey birta nang pale.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives