ADVERTISEMENT

This area is available for advertisement. Please contact for details.

Arnivang
Get Adobe Flash player

KPH Taralangso kedam atovar ajo apor ajahak streetlight ameh karke

imageDiphu, Pre 30: KPH Taralangso kapachingthurji aphan pura MoS atangka pen dengsi Diphu-Manja atovar adung kedo ASEB pen KPH Taralangso adak kacheleng atovar four-way lapen divider kaselam along kichun asaisi ke-ong lo. Pining 2019 aningkan ingdeng 45 KYF ketalon along alir-alon chipi longpo lapen rong-aje kelang dunji Karbi arat atum methang a gari pen setame kacheleng kejoi dopo mate tovar kachingthang (Traffic jamp) avelo lapen keng pen kedam atum aphan setame thangnat akisung avelo pusi ongdung arat atum ningcheparong rinti lo. Anparta ajo-jirlo apor ahut le dam pusetame streetlight atur kathe-ang ajoine kaphere athai avelo. Lasi pini India adet adangpi along kethenai a festival angbong pen KYF ta isi lo pusi paper, media alongta pangdak lo. Laso ajoine KAAC CEM Tuliram Ronghang alangli methang ajutang-jubat pangcho nangji pu matha damsi kijui-kejang Karbi arat atum aphan kacheleng mesen atovar vanpi lo. Seta pining a festival nanglele aprang ajahak a streetlight ke heno-et lo. Ajo 9 pen 10 apor adak lote ameh mep jai lo pusi adung-arei kedo arat atum chethan rinti. Lasi streetlight abang ajir kiding aphansi selam nangji athe ajor apor henlo KYF kelang dunji arat atum kacheleng kanglum. Lasi prapjin pen bangso kaheno ajahak streetlight kaselamji aphan KAAC CEM Tuliram langchari damsi keme athe non malom bangso asai 2019 Arkoi achiklo angbong patang nangji pu ajoine ajo apor ta sai keklem do puta ajahak sai klembom atum than rinti.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives