ADVERTISEMENT

This area is available for advertisement. Please contact for details.

Arnivang
Get Adobe Flash player

Durga arjan kiti aphuthak DTC aphan pakoithip un-eh: Nipu Dutta

imageDIPHU, Pre 16: Kedamtang Pre niphai 16 arni pen 19 arni an katalon Durga Karkli kijutsi Durga akumlin kiti arni ajahak arnam kardom arat atum Diphu Town Committee aphan akoi kevan ke kechok pu pudam un-eh lapen kechokche puta pudam un eh athe nelitumta kedeng nangji asai anke denglo. Lasi laso along nangkoithip un-eh pusi pini Diphu Town Committee Executive Engineer Nipu Dutta pherangke athengno ningje. Alangli kaningje ke, kedamtang Pre niphai 19 arni Diphu Manja kacheleng 7 mile along Durga akumlin kiti dam arni langroiso lang kadure ajok penang an kardom atum ning kangsamse chepaklangsi nelitum aphan akoi nang arvaklo lapen jume-junu alam pen nangpinremlo. Lasi laso along DTC aphan akoi nang arvak thip un-eh athe Durga akumlin kiti damde aprang-aprang nelitum Diphu Town Committee pen longle kapacheklam asai keklem dam pen danglok kangting siring pen kapajokji aphan me rihing avarsai anparta kaprek-kaprek kenangsot asai anta klemdamlo setame langroi lang kadure pu abangke nelitumta adai avelo lapen Town Committee pen elong long puja committee atum along sika 2000-2200 atangka kirung pu akoi kevan alam ke ahok det ta thek mate kali det ta thek setame laso aphuthak klardak kelongji aphan nelitum angbong tarlip bomlo puta Executive Engineer Dutta ningjesi Durga karkli ahut elong long puja committee atum along DTC officially ateng pen sika 1500 atangka kirung abangke ahoklo lapen laso atangka puja esek kapangthir asai pen danglok ason-ason asai keklem iji aphansi kirung setame Durga akumlin kiti damji arni asai keklemji aphanle laso atangka kirung kali pusi Dutta ningje. Kedamtang arni penta Diphu arongsopi apharman kithirthip Durga akumlin kiti adim ave pinlang. Lasi kevangji aningkan penke lahai akisung pen kejokji aphan elongbak mesen adim langsi hadak kithirthip kiti adim kaselamji aphan Town & Country Planning a EM Raton Teron pen bidi-sore chepachoi bomlo puta Nipu Dutta ningje. Pini pherangke amai along DTC Engineer Thengtom Terang, Prodip Rongpi lapen hadak achokamar atumta chetong dun.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives