ADVERTISEMENT

This area is available for advertisement. Please contact for details.

Arnivang
Get Adobe Flash player

Langhemphi meh kecho adim West Karbi Anglong district administration kahumri dam

Ahoi alam pen kali, komatne a-ot kave atumsi keklem: SP, WKA

HAMREN, Pre 16: Kedamtang Pre 15 aningve porphai 8:30 apor malom pangthek thekthe atum Langhemphi ahithi meh kekeichok adim along ahok alam kapatini damji aphan pini district administration lapen law & order atum chelangpet pen humri dam. West Karbi Anglong district administration pen Assistant Deputy Commisioner Prartha Jahori lapen law & order pen WKA a SP Mrinal Talukdar lapen Hamren OC Bharat Chandra Konwar atum Langhemphi ahithi along todap porphai 11 apor pale dam.
Alanglitum dim along an pale damsi karju patertok asai deng lo. Pherangke pen chehut-cheput ahut SP kaningje atengke bangso asai ke ahoi alamki pen kacherap ave, hithi-kangni atum angbong kachelang un-eh ajoksi meh kekei tahai pusi ningje.
Langhemphi ahithi kado kave hum 120 an ahem do, bonsetame hum 6 an pangthek jaijaisi kekai. Lasi lake methang angbong kachelang un-eh ajoine chot pusi ningje. Alanglitum kahumri dam ahut bazar committee ameiphu Augustin Hanse ta chetong dun. Non amat ke komatsi kekei ma pangthek thekthelang setame raikom asaikhi atum pen katarlip asai deng bom lo. Langhemphi Bazar Committee ameiphu Augustin Hanse kaningje ke a-ot kave atum Langhemphi arat aphan langplot pen aphong-aphong hithi meh kekai abangphu aphan ritarlip dunji anparta Hamren Police Station along lamhoi pi dam pen keri katarlip rappetji aphan pini lamhoi pipajir dam.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives