ADVERTISEMENT

This area is available for advertisement. Please contact for details.

Arnivang
Get Adobe Flash player

Kevangji aningkan pen ke Durga karkli adim along kaprek terekpo: CEM

imageDiphu, Pre 16: Diphu ahithi arlo kaprek-kaprek Durga Karli adovan angbong pen kethenai Dey’s Engineering athengno kedo Durga Karkli along pini HAD minister Sum Ronghang, KAAC a CEM Tuliram Ronghang lapen EM Amorsing Tisso, DC Mridul Kumar Mahanta, SP, MAC atum pen chenglok penang an kethe-kiding atum chetong dunsi Durga akumlin akengri along chardomsi pining aningkan apharman ahirjume chohang dun lo.
Bangso karkli amai along Diphu ahithi arlo kedo kaprek-kaprek Durga karkli adim angbong pen jasemet hithi arlo kedo tovar ari adovan anke terek et nangji. Athe tovar arai dim kacherai det ajoine rat atum kacheleng akisung thevik. Lasi, kevangji aningkan penke hithi arlo pen kemesen adim alongsi terek po athe hithi arlo kachingthur asai amo kedeng along kado kave ta kacherap-kacheto kenangsot. Sonsi hithi arlo mesen atovar selampo lapen street light, CCTV camera pangni etpo, lake hithi arlo chonghu, gunda, docait klem hai abang avelo. Anparta kulat ahemphu kejokvan atovar longpo pusi KAAC CEM Tuliram Ronghang jai. Pini Diphu Bazar Durga Puja Committee atum kiduk det asarpimar atum aphan sari, peh, choi heihui akejoi pen keron asonsi kevangji aningkan KAAC pensi keboi det arat atum aphan Durga ahirjume pen pini, pehkok pen chenglok kachingthang apeh-ari heihui ronji puta CEM Ronghang asangho jai.
Pining Durga karkli along Karbi Anglong angkang reng dok-rengni lapen alir-alon kachipi dunji aphan arnam ahirjume hang lo. Diphu Bazar Durga puja committee atum keklem-kedam asonsi kevangji aningkan Karbi Anglong adang kedo an Durga karkli along kidukdet arat atum aphan hirjume pen Karbi apindeng pini, pekok lapen kaprek-kaprek kachingthang apeh heihui akejoi pen ronsi keme, lasonsi kachingthur asai along rat atum kacherap-cheto dunsi keme pusi HAD minister Sum Ronghang jai.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives