ADVERTISEMENT

This area is available for advertisement. Please contact for details.

Arnivang
Get Adobe Flash player

Ratchari asong along ale kacho-en ajok bang 4 aphan song pen kesor

DIPHU, Pre 15: KSA Tengkeralangso aro ameiphu Ramsing Tokbi, sankur chunbang Mongal Ingti, Borkok ahavar KSA ameiphu Songsar Ingti lapen sankur chunbang Majasing Ronghang atum song aron karkan ajok song pen sorplotlo pusi KSA Hamren District Committee ameiphu Bishnu Teron pen chunbang Prasanta Teron atum pangdak. Pachetak aloh pen alanglitum kapangdak atengke la bang pli atum joi-joi pen ratchari asong along ale cho-en dunbomsi KSA Hamren District Committee pen tiri atum aphan langplotsi puthot KSA jakong kethakji abidi langno lapen jutang langno asai kedeng abangke rat aphan kapamanghu lo, anparta song anong kejo binong lo. La anchot ta kali KSA tiri klembangphu-bangphi atumke hemprek kroikre pu alanglitum pachethang thapsi ason-ason alam setame karbok dolo lapen pherangke athengno alongta kaningje dunthap ke aron kali lapen deng meme alam kali pusi meiphu Bishnu Teron pen Prasanta Teron atum pachetaksi KSA tiri ameiphu Semson Teron kejalin alongke rat do-anta theklong pronglo lapen keme asai keklembom ajoinesi rat ahirjume ta long bomlo. Ahokpet KSA along cherap-cheto dun pen kopi asai lapen kosonsi arjap thip nangjima laheihui kachinine ajoinesi Ramsing Tokbi, Mongol Ingti, Songsar Ingti lapen Majasing Ronghang atumke ratchari aphi bondun lingsi kechok-kechokche kangsai thekthe det ajoinesi KSA kethak asai klemronglo puta meiphu Teron asangho atum pangdak. Alanglitum kapachetak thuke laso aphuthak jongsi kopene KSA asong aphan kapasiksak dun dokok pulote kevangjilang arnike alanglitum aphan aron ateng pen ingsai nangkok po lapen pherangke along kapaklang alam aphuthak alanglitum chipivek nangji, KSA ke khei amoi arbung apot khei akisung alongsi arjap dunthip verji. Lasi Karbi Anglong arat aphan kachoningri kangtung abangke kedamtang 2005 Pre 17 arni Charchim Prisek along alamki aphuthak non kevangji Pre 17 arni chikimo dunji. Lasi halabangso arni Karbi arat do-an atumta adontin methang-methang ahem thikup tin along melur kaidunsi ningduk chipi pen chikimo dunpo pusi ning thelo pusi pachetak aloh pen alanglitum choningri.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives