ADVERTISEMENT

This area is available for advertisement. Please contact for details.

Arnivang
Get Adobe Flash player

BJP atum thang bakbe apran charmutji pu alam kaningje pen Assam arat aphan pamanghu nangne: AIUDF

GUWAHATI, Pre 14: BJP atum non kamatha kisung apor nangkelelo pusi AIUDF arbok. Pachetak aloh pen AIUDF sankur chunbang Aminul Islam kapachetak ke, kedamtang arni BJP a MLA Atul Bora kaningje ke Citizenship bill van lote apran che-en detji pusi ningjelo lapen laso aphijong BJP a MLA Siladitya ta apran kacharmut abangke kechokche asai (Crime) lo pu ningjesi MLA Atul Bora aphan nep nangji kalite kamatha ajakong kave seh kelang ahem along seh pachelang nangji pusi ningjelo. Halapu BJP state ameiphu Ranjit Kumar Das ta apran charmutji pu ningjelo setame non Ranjit Das aphuthak koson po? Dr. Himanta Biswa Sarma kaningje ke ningkan kep aphi Ajmol chief minister man po pusi ningjelo. Tangte Ranjit Das lapu-an paprappre ra ningkan kep an chonghongtha pusi pachetak aloh pen Aminul Islam arbok. Sankur chunbang Islam kapachetak thuke BJP atum non kisung apor nangkele ahut kedamtang ni ni aprang BJP a MLA apran charmutji pusi ningjelo lapen pini alanglitum asong ameiphu amat ta apran charmutji pusi ningjelo. Lasi non alanglitum kijutsi kisung apor nangkele ahut tong lapuson kaningje loma mate Assam arat aphan kachechak alamthe heihui kachepapleng un-eh aphantong lapuson apran charmutji pu alam kaningje loma pusi pachetak aloh pen arju. Nelitum AIUDF ameiphu ke chief minister kemanji aphan amang hemanme puta Aminul Islam pachetaksi BJP atum ke khei angbong thaksi kilik aprang puthot lapuson alam kapachethang thap asai kecheng lo. Assam arat aphan kapachobai alamthe chechaksi puthot anghoi kangni thulongji aphansi BJP atumke kabor-i lo setame Assam arat atum nonke BJP atum kapachorai alamthe along manghu dunde lo. BJP ameiphu Ranjit Kumar Das kechengsi tangka ki-ik (black mony) nangpachiruiji, hormu-hortar ador pajumji, avarsai kave atum akisung pajokji, lang kethe akisung pen danglok Assam khei longri raikomji pu heihui alamthe chechalok lahai akisung aphuthak non chepapleng non anparta Assam mate Assam along jutang-jubat elam-eki apharman Citizenship bill khamkhe ra Assam Accord aphan aman pinon, thang bakbe alam pen vote ajoine Ajmol chief minister manlote apran charmutji pu a-ot-e alam heihui kaningje pen Assam arat aphan pamanghu nangne lapen khei aratchari keklem pen chepahelo non pusi pachetak aloh pen ther.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives