ADVERTISEMENT

This area is available for advertisement. Please contact for details.

Arnivang
Get Adobe Flash player

Youth Club Development aphuthak chethan-chemum amai kangni

DIPHU, Pre 11: Nehru Yuva Kendra (NYK) atum kapinkhat ateng pen pini Amri Block kaparlo Duhoidi L.P School along Ove Chingrum Youth Club atum patirpisi hadak Youth Club Development Programme aphuthak chethan-chemum amai kangni. Ove Chingrum Youth Club ameiphu Bapuram Timung kachepahemphu amai along Duhoidi L.P School thanbang kehoi Prodip Bordoloi, thanbang Robinson Kro, rong asar Sikari Tisso atum pen chenglok kado kave bang phokep ra pho ariso-nimso atum chetong dun. Bangso amai along jasemet kapathu ahin kapaprang dun thekji aphan hadak ariso-nimso atum aphan bidi-sore pi. Kedamtang apor ahut rong atok-ano youth club keseng dopik lapen kapathu ahin ajahak okkarjang (Youth) atum kapathu ahin aprang kidunji aphan varsai long dunde. Lasi youth club atum methang a club aphan kapachingthur thekji aphan lapen okkarjang aphan pathu ahin atovar jaji pulote club registration vek nangji kali pulote NYK alongle registration setame chok. Athe ladak okkarjang aphan panongsi pathu ahin kapaprang lapen atovar kelong dunji atovar anparta NYK along club amen kachethap atum aphan akejoi pen football, volley ball lapen ason-ason kapathu ahormu ron bom. Lasi rong arlo kedo a youth club kedo an prapjin pen NYK along amen chethap dun pen ason-ason varsai cho-en dunra kapathu ahin cheto  nangpo. Toklang kacharli pen-pen pathu ahinta paprang dunthek lote methang kacharjap ajakong lapen ok pran setame mesen po pusi NYV abarim Indra Sing Tisso birta nangpale.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives