ADVERTISEMENT

This area is available for advertisement. Please contact for details.

Arnivang
Get Adobe Flash player

Sorsori Laidapdisa L.P Assamese Medium School along Gunotsav kibi: EM Rupsing kahumri dam

Diphu, Pre 11: Karbi Anglong arlo kedo kaprek-kaprek school along Gunatsav katalon ason thakthak Lumbajong Block angkang kedo school alongta talon dun. Laso katalon ahut atumi Karbi Anglong Autonomous Council a EM Rupsing Teron External Evaluator chemansi Sorsori Laidapdisa L.P Assamese Medium School along humri dam. Laso ahut DAV HS School subject teacher Kamruz Zaman Borbhuyan aphansi kacherap dunji aphan pura protocol officer pek lo. Nodal Teacher arpu Madhumita Bordoloi lapen liason officer Mridul Kalita anparta SMC ameiphu Sapna Bora lapen kaprek-kaprek atumsi school along satlang mate kangchap asai keklem along cheto dun lo.
Atumi KAAC EM Rupsing Teron classrooms, school ahem, kachiti ahem arloso-pinso apharman doma avema pu heihui lang tekang lo. La-an chot kali mid day meal kitun-kedang ahem anparta kosonsi loh kethan lapen attendance register, inspection register lapen SMC register heihui anta lang tekang lo.
Kado kave asai lang tekang et aphi mesen lo pusi alangli aning kangsam chepaklang tekang. Laso along thanbang pen SMC atum EM Rupsing Teron kelang tarlip asai do an along cheto dun lo.
EM Rupsing Teron charli a osomar atum penta chingki-chethansi ajahak alam arju lo, kosonsi amek kapacho nangji heihui ta pachini tekang anparta arju telang lo.
Kado kave bang 42 amen kachethap dun a osomar abang pini Gunotsav katalon ahut bang 31 a osomar atum ansi chetong dun lo.
EM Rupsing Teron kahumri dam mate Gunotsav katalon along ongdung charli osomar api-apo atumta chetong dun.
Mesen kijun alang aphan langtuk kave, rihing ameh kave anparta mesen barpi barso kedo avarsai kave alam heihui school managing committee EM Rupsing Teron athengno ningri dun.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives