ADVERTISEMENT

This area is available for advertisement. Please contact for details.

Arnivang
Get Adobe Flash player

Masapsovet alam pen inut abangphu apran kedam nang

imageDIPHU, Pre 11: Masapsovet alam pen inut abangphu apran kedam nang aphuthak hur kecho. Birta kelong dun atengke pini Dhansiri along kedo Sanku Raijung pu abangphu Lumding kedamji aphan pura langber kacheleng Mariyani Special train along chethap dunlo. Labangso a train Borlangpher station along kapasang ahut  ongdung amonit kechathap dunji aphan lut toilo. Laso angbong inut Borlangpher along hor kejor abeha klembang mate Borlangpher atalom along kacheparoka ver abangphu Uma Paswan abang inut asarbura aphan ingdoichorsi train arlo lutlo. Laso aphuthak Sangku Raijung abang kachelangno dunodak ajok Paswan aphan khamkhelo. Masapsovet kipu alam pen Paswan abang ning pungsi train arlo pen nangvar chorji pusi Sanku Raijung aphan therlo. Laso aphi Borlangpher pen train kebarchit ahut duvari along karjaplun Sanku aphan Pasvan abang ingdoi chorsi apran endetlo. Tongsekot pen train arlo kedo arat atum Uma Paswan aphan nepsi un an areng pasosi Lumding IRP aphan hodailo. Laso alam aphuthak All Assam Dimasa Student Union sankur chunbang Pabitra Nunisa sodak pinremsi adai kedovek Paswan aphan sodak ingsai nangji pusi hanglo lapen train kachethap dun arat atum aphan keraikom pi nangji pusi hang.

Leave a Reply

Your email address will not be published. Required fields are marked *

October 2018
M T W T F S S
« Sep   Nov »
1234567
891011121314
15161718192021
22232425262728
293031  
Archives