ADVERTISEMENT

This area is available for advertisement. Please contact for details.

Arnivang
Get Adobe Flash player

Dhentaghat English ME School along Gunotsav katalon

Diphu, Pre 11: Aningkan vang ason thakthak Karbi Anglong district hini pen-pen Assam angkang kado kave district 16 along kacharli ahin kapaprang thekji aphan pusi pining lethot ta aningkan vang ason thakthak Gunotsav katalon. Kaprek-kaprek a ahavar along katalon ason thakthak 14-Korkanthi MAC constituency angkang Samelangso Block kaparlo Dhentaghat English ME School alongta Gunotsav bi.
Dhentaghat English ME School along Gunotsav katalon along pini KAAC MAC Lunsing Teron External Elevator chemansi langchari dam. Laso ahut charli a osomar, thanbang lapen SMC atum pen chingki-chethan tekang.
School along ason-son kadure heihui aphuthak ta langchari tekang lapen aphi a osomar pen thanbang atum pen inghoi isi ingni rapprongsi mid day meal cho tekang lo.
Gunotsav katalon ahut osomar atum Karbi akekan lengpum sokchon pen Boro akekan heihui KAAC MAC mate External Evaluator Lunsing Teron angno chepaklang. Bangso ajaimek along protocol officer mate Asstt. External Evaluator Sarkiri Terang, Samelangso Block Mondal ameiphu Chondro Ingti, Dhentaghat ME School thanbang kehoi Mongal Babu Singha lapen SMC ameiphu Mensing Ronghang atum pen chenglok ongdung man kedo atum chetong dun.

Leave a Reply

Your email address will not be published. Required fields are marked *

October 2018
M T W T F S S
« Sep    
1234567
891011121314
15161718192021
22232425262728
293031  
Archives